ചണ്ഡീഗഡ്: ഇരുപത്തി നാവ് വര്ഷം നീണ്ട നിയമപോരാട്ടത്തിനൊടുവില്, മാധ്യമപ്രവര്ത്തകന് രാം ചന്ദര് ഛത്രപതി കൊല്ലപ്പെട്ട കേസില് ഡെറാ സച്ചാ സൗദ തലവന് ഗുര്മീത് റാം റഹീം സിംഗിനെ പഞ്ചാബ്-ഹരിയാന ഹൈക്കോടതി കുറ്റവിമുക്തനാക്കി. 2019-ല് പ്രത്യേക സിബിഐ കോടതി വിധിച്ച ജീവപര്യന്തം തടവുശിക്ഷ ചോദ്യം ചെയ്ത് സമര്പ്പിച്ച അപ്പീലിലാണ് ഹൈക്കോടതിയുടെ നിര്ണ്ണായക വിധി.
റാം റഹീമിനെ കുറ്റവിമുക്തനാക്കിയെങ്കിലും, കേസിലെ മറ്റ് രണ്ട് പ്രതികളുടെ അപ്പീലുകള് തള്ളിയ കോടതി അവര്ക്കെതിരെയുള്ള കണ്ടെത്തലുകള് നിലനിര്ത്തി. കുറ്റവിമുക്തനാക്കാനുള്ള കാരണങ്ങള് വ്യക്തമല്ല. എന്നാലും ജയില് മോചിതനാകില്ല, വേറെ രണ്ട് പീഡനക്കേസുകളില് ജീവപര്യന്തം ശിക്ഷയുണ്ട്.
2002 ഒക്ടോബറിലാണ് സിര്സയില് പ്രാദേശിക പത്രം നടത്തിയിരുന്ന രാം ചന്ദര് ഛത്രപതിക്ക് തന്റെ വീടിന് പുറത്തുവെച്ച് വെടിയേറ്റത്. ഡെറയ്ക്കുള്ളിലെ ലൈംഗിക ചൂഷണങ്ങളെക്കുറിച്ചുള്ള വാര്ത്തകള് പ്രസിദ്ധീകരിച്ചതായിരുന്നു കൊലപാതകത്തിന് കാരണമായത്.
