കണ്ണൂര്: സിപിഐ എം കേന്ദ്രകമ്മറ്റി അംഗവും ജനാധിപത്യ മഹിളാ അസോസിയേഷന്റെ അഖിലേന്ത്യാ പ്രസിഡണ്ടുമായ പി കെ ശ്രീമതിയുടെ ഭര്ത്താവ് ഇ ദാമോദരന് മാസ്റ്റര് (90) അന്തരിച്ചു. പരിയാരം മെഡിക്കല് കോളജില് വെച്ചായിരുന്നു അന്ത്യം. പൊതു ദര്ശനം ഞായര് രാവിലെ 11 മണി മുതല് അതിയടത്തുള്ള വീട്ടില് നടക്കും.
മാടായി ഗവ. ഹൈസ്കൂളിലെ റിട്ടയേര്ഡ് അധ്യാപകനും പൊതു സാംസ്ക്കാരിക പ്രവര്ത്തകനും ആയിരുന്നു. പി.കെ. സുധീര് ഏക മകനാണ്. ധന്യ സുധീര് മരുമകള് ആണ്. മുന് ചെറുതാഴം ഗ്രാമ പഞ്ചായത്ത് പ്രസിഡണ്ട് പരേതനായ ഇ. നാരായണന് മാസ്റ്റര്, ഇ. ബാലന് നമ്പ്യാര് എന്നിവര് സഹോദരങ്ങളാണ്. ഇ ദാമോദരന് മാസ്റ്ററുടെ വിയോഗത്തില് മുഖ്യമന്ത്രി പിണറായി വിജയന് അനുശോചിച്ചു.
