തൃശ്ശൂർ : സി.പി.ഐ(എം) സംസ്ഥാന കമ്മിറ്റിയുടെ തീരുമാനമനുസരിച്ച് നടന്നു വരുന്ന ഗൃഹസന്ദർശന പരിപാടി ഇന്ന് പഴഞ്ഞി ലോക്കൽ പരിധിയിലെ പെരുന്തുരുത്തി അഞ്ചാം വാർഡിൽ സംഘടിപ്പിച്ചു. പരിപാടിയിൽ ജില്ലാ കമ്മറ്റി അംഗം എം എൻ സത്യൻ, ഏരിയ കമ്മറ്റി അംഗം എൻ കെ ഹരിദാസൻ, പാർട്ടി ലോക്കൽ കമ്മറ്റി അംഗം എ വൈ ഹമീദ്, ബ്രാഞ്ച് സെക്രട്ടറി എ വൈ അഷറഫ് എന്നിവർ പങ്കെടുത്തു.
വീടുകളിലെത്തി ജനങ്ങളുമായി നേരിട്ട് സംവദിക്കുകയും അവരുടെ പ്രശ്നങ്ങളും അഭിപ്രായങ്ങളും മനസ്സിലാക്കുകയും ചെയ്ത പരിപാടിയെ കുടുംബങ്ങൾ ഏറെ സന്തോഷത്തോടെയാണ് സ്വീകരിച്ചത്. ജനങ്ങളുമായുള്ള അടുത്ത ബന്ധം ശക്തിപ്പെടുത്താൻ ഇത്തരം ഗൃഹസന്ദർശനങ്ങൾ സഹായകരമാകുമെന്ന് നേതാക്കൾ അറിയിച്ചു.
