കൊച്ചി: നവീന് ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ട് നല്കിയ അപ്പീല് ഹൈക്കോടതി ഇന്ന് പരിഗണിക്കും. ഹൈക്കോടതി ഡിവിഷന് ബെഞ്ചാണ് അപ്പീല് പരിഗണിക്കുന്നത്. നവീന് ബാബുവിന്റെ ഭാര്യ കെ മഞ്ജുഷ നല്കിയ അപ്പീലാണ് ഡിവിഷന് ബെഞ്ചിന്റെ പരിഗണനയിലുള്ളത്. ജസ്റ്റിസുമാരായ പി ബി സുരേഷ് കുമാര്, ജോബിന് സെബാസ്റ്റ്യന് എന്നിവര് ഉള്പ്പെട്ട ബെഞ്ചാണ് അപ്പീല് പരിഗണിക്കുന്നത്.
നവീന് ബാബുവിന്റെ മരണം ആത്മഹത്യയല്ല കൊലപാതകമാണ്, സംസ്ഥാന പൊലീസ് നടത്തുന്ന അന്വേഷണത്തില് വിശ്വാസ്യതയില്ല തുടങ്ങിയ വാദമാണ് ഹര്ജിയിലുളളത്. സംസ്ഥാന ഭരണകക്ഷി നേതാവും മുന് ജില്ലാ പഞ്ചായത്ത് പ്രസിഡന്റുമായ ആളാണ് പ്രതിസ്ഥാനത്തെന്നുമാണ് കുടുംബത്തിന്റെ വാദം.
