കൊച്ചി: തൃപ്പൂണിത്തുറയില് ഫ്ളാറ്റിൽ നിന്നും ചാടി വിദ്യാര്ത്ഥി ജീവനൊടുക്കിയ സംഭവത്തില് റാഗിങ് ആരോപണം തളളി ഗ്ലോബല് പബ്ലിക് സ്കൂള്. ആത്മഹത്യ ചെയ്ത മിഹിര് ക്രൂരമായ റാഗിംങിന് ഇരയായെന്നാണ് കുടുംബത്തിന്റെ ആരോപണം. എന്നാല് സ്ഥാപനത്തെ അപകീര്ത്തിപ്പെടുത്തുന്ന വാര്ത്തകളാണ് മാധ്യമങ്ങള് നല്കുന്നതെന്നും ഇതിനെതിരെ നടപടിയെടുക്കണമെന്നും സ്കൂള് പ്രിന്സിപ്പല് ഹില് പാലസ് പൊലീസ് സ്റ്റേഷന് നല്കിയ വിശദീകരണത്തില് പറയുന്നു.
ജനുവരി 15 നാണ് തൃപ്പൂണിത്തുറയില് ഫ്ളാറ്റിന്റെ 26ാം നിലയില് നിന്ന് ചാടി മിഹിര് ജീവനൊടുക്കിയത്. മിഹിര് റാഗിംഗിനിരയായെന്ന് കാണിച്ച് ഗ്ലോബല് പബ്ലിക് സ്കൂളിനെതിരെ അമ്മ സംസ്ഥാന പൊലീസ് മേധാവിക്ക് പരാതി നല്കിയിരുന്നു. എന്നാല് ഇത്തരം സംഘടിതമായ പ്രചാരണങ്ങള് അധ്യാപകരുടെയും വിദ്യാര്ത്ഥികളുടെയും ധാര്മ്മികതയെ ബാധിക്കുമെന്നാണ് പ്രിന്സിപ്പല് പറഞ്ഞത്.
കൊല്ലപ്പെടുന്നതിന് മുന്പ് ഉന്നയിച്ചിട്ടില്ലെന്നും വിദ്യാര്ത്ഥി സന്തോഷവാനായിട്ടാണ് സ്കൂളില് നിന്നും പോയതെന്നും പ്രിന്സിപ്പല് പറഞ്ഞു. മിഹിര് സ്കുളില് വലിയ രീതിയില് റാഗിങിന് ഇരയായെന്നും നിറത്തിന്റെ പേരില് പരിഹാസം നേരിട്ടിരുന്നുവെന്നും പറഞ്ഞു കൊണ്ട് മിഹിറിന്റെ അമ്മ സാമൂഹ്യമാധ്യമങ്ങളില് കുറിപ്പ് പങ്കുവെച്ചിരുന്നു. വാഷ് റൂമില് കൊണ്ടുപോയി ഉപദ്രവിച്ചു. ക്ലോസെറ്റില് മുഖം പൂഴ്ത്തിക്കുകയും, ടോയ്ലറ്റില് നക്കിക്കുകയും ചെയ്തുവെന്നും പരാതിയിലുണ്ട്.
