കെ എസ് ഹരിഹരന് കഥയെഴുതി സംവിധാനം ചെയ്യുന്ന ദി സൈലന്റ് വിറ്റ്നെസ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. ‘കാളച്ചേകോന്’ എന്ന ചിത്രത്തിന് ശേഷം കെ എസ് ഹരിഹരന് സംവിധാനം ചെയ്യുന്ന ചിത്രമാണ് ഇത്. പുതുമുഖം മധു വെങ്ങാട്, ഷാജു കൊടിയന്, ശിവജി ഗുരുവായൂര്, പ്രദീപ് കോഴിക്കോട്, കവിത മഞ്ചേരി, കാവ്യ പുഷ്പമംഗലം തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. സംവിധായകന് കെ എസ് ഹരിഹരന് തന്നെ എഴുതിയ വരികള്ക്ക് ഭവനേഷ് അങ്ങാടിപ്പുറം സംഗീതം പകരുന്നു. ആറാം ക്ലാസ് വിദ്യാര്ഥിനിയായ സാത്വികയാണ് ഗായിക.
ഗൗരിമിത്ര പ്രൊഡക്ഷന്സിന്റെ ബാനറില് മധു വെങ്ങാട് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ടി എസ് ബാബു നിര്വഹിക്കുന്നു. അസോസിയേറ്റ് ഡയറക്ടര് വിനീഷ് നെമ്മാറ, കലാസംവിധാനം ഷിബു വെട്ടം, കോസ്റ്റ്യൂംസ് ശ്രീനി. പെരുകി വരുന്ന കുറ്റകൃത്യങ്ങളില് തെളിയിയ്ക്കപ്പെടാതെ പോകുന്ന വലിയ കുറ്റകൃത്യങ്ങള്ക്കുപോലും ഒരു വിറ്റ്നെസ്സിനെ സമൂഹം തന്നെ എവിടെയൊ ഒളിപ്പിച്ചു വച്ചിട്ടുണ്ടായിരിക്കും. ജീവിതത്തിന്റെ രണ്ടറ്റങ്ങളും കൂട്ടിമുട്ടിക്കാന് കഷ്ടപ്പെടുന്ന ഒരു നാട്ടിന്പുറത്തുകാരനായ അധ്യാപകന്റെ ഇടപെടലുകള് മൂലം സത്യം പുറത്തറിയുന്നു. മാഫിയകളുടെ ശക്തമായ അക്രമണങ്ങളില് കുടുംബവും ജീവിതവുമൊക്കെ കൈവിട്ട് പോകുമെന്ന് തോന്നുന്ന നിമിഷങ്ങളില് ഒരു ദൈവദൂതനെപോലെ കടന്നുവരുന്ന ഒരദൃശ്യ ശക്തിയുടെ വിളയാട്ടമാണ് സസ്പെന്സിന്റെ പശ്ചാത്തലത്തില് ഈ ചിത്രത്തില് ദൃശ്യവത്കരിക്കുന്നത്. ഇടുക്കി, നിലമ്പൂര്, ചമ്രവട്ടം എന്നിവിടങ്ങളിലായി ചിത്രീകരണം പൂര്ത്തിയാക്കിയ ദി സൈലന്റ് വിറ്റ്നെസ് ക്രിസ്മസിന് തിയറ്ററുകളിലെത്തും. പി ആര് ഒ- എ എസ് ദിനേശ്.
