ചെന്നൈ: തമിഴ്നാട്ടിൽ ഡിഎംകെ എംഎൽഎയും മുൻ മന്ത്രിയുമായ അനിത രാധാകൃഷ്ണൻ അറസ്റ്റിലായി. മുഖ്യമന്ത്രി ജോസഫ് വിജയ്ക്കെതിരായ വിവാദ പരാമർശവുമായി ബന്ധപ്പെട്ട കേസിലാണ് അറസ്റ്റ്. തൂത്തുക്കുടിയിൽ കഴിഞ്ഞ മാസം 20-ന് നടന്ന പൊതുയോഗത്തിൽ ജോസഫ് വിജയെതിരെ വ്യക്തിപരമായ അധിക്ഷേപം ഉൾപ്പെടെ നടത്തിയതായി ആരോപണമുണ്ട്. ഇതാണ് കേസിനാധാരം ആയത്.

സംഭവത്തെ തുടർന്ന് സമൂഹത്തിൽ ഭിന്നതയും വിദ്വേഷവും സൃഷ്ടിക്കുന്ന ശ്രമങ്ങൾ ഉൾപ്പെടെ വകുപ്പുകൾ ചുമത്തി പൊലീസ് കേസ് രജിസ്റ്റർ ചെയ്തു. തുടർന്ന് അനിത രാധാകൃഷ്ണൻ മുൻകൂർ ജാമ്യാപേക്ഷ സമർപ്പിച്ചെങ്കിലും മദ്രാസ് ഹൈക്കോടതി അത് തള്ളുകയായിരുന്നു. കോടതി ഉത്തരവിന് പിന്നാലെയാണ് പൊലീസ് അറസ്റ്റ് രേഖപ്പെടുത്തിയത്. സംഭവത്തിൽ കൂടുതൽ അന്വേഷണം നടക്കുകയാണ്.