നഴ്സുമാര്ക്ക് ഗോള്ഡന് വിസ പ്രഖ്യാപിച്ച് ദുബായ്. 15 വര്ഷത്തിലധികം ദുബായ് ഹെല്ത്തില് സേവനമനുഷ്ടിച്ചവര്ക്കാണ് വിസ ലഭിക്കുന്നത്. നഴ്സുമാര് സമൂഹത്തിന് നല്കുന്ന വിലമതിക്കാനാകാത്ത സംഭാവനകളും ആരോഗ്യ സേവനങ്ങളുടെ ഗുണനിലവാരം മെച്ചപ്പെടുത്തുന്നതില് വഹിച്ച നിര്ണായക പങ്കും പരിഗണിച്ചുകൊണ്ടാണ് തീരുമാനം. ആരോഗ്യപരിരക്ഷാ രംഗത്ത് നഴ്സുമാരുടെ സ്ഥാനം മുന്പന്തിയിലാണെന്ന് കിരീടാവകാശി ഷെയ്ഖ് ഹംദാന് ബിന് മുഹമ്മദ് ബിന് റാശിദ് ആല് മക്തൂം പറഞ്ഞു.
രോഗികളെ പരിചരിക്കുന്നതിൽ അവരുടെ ദൈനംദിന സമര്പ്പണത്തെയും പ്രതിബദ്ധതയെയും അദ്ദേഹം പ്രശംസിച്ചു. ദുബായ് അവരുടെ മികവിനെ വിലമതിക്കുകയും സമര്പ്പണത്തോടെ സേവിക്കുന്നവരെ ആദരിക്കുകയും ചെയ്യുന്നുവെന്നും അദ്ദേഹം വ്യക്തമാക്കി. മേയ് 12ന് അന്താരാഷ്ട്ര നഴ്സസ് ദിനത്തോടനുബന്ധിച്ചായിരുന്നു പ്രഖ്യാപനം.
