ന്യൂഡല്ഹി:ദുബായ് കിരീടാവകാശി ഷെയ്ക് ഹംദാന് ഇന്ത്യയിലെത്തി. ഡല്ഹി വിമാനത്താവളത്തില് കേന്ദ്രമന്ത്രി സുരേഷ് ഗോപി സ്വീകരിച്ചു. പ്രധാനമന്ത്രി പ്രത്യേക വിരുന്നൊരുക്കും. രണ്ട് ദിവസത്തെ ഔദ്യോഗിക സന്ദര്ശനത്തിനായാണ് ശൈഖ് ഹംദാന് ഇന്ത്യയിലെത്തിയത്. യു.എ.ഇ പ്രതിരോധമന്ത്രിയായി ചുമതലയേറ്റ ശേഷം ആദ്യമായാണ് ഇന്ത്യയിലെത്തുന്നത്.
പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ചാണ് ശൈഖ് ഹംദാന് ഡല്ഹിയിലെത്തുന്നത്. സന്ദര്ശനത്തിന്റെ ആദ്യദിനം കിരീടാവകാശിക്ക് പ്രധാനമന്ത്രി പ്രത്യേക വിരുന്നൊരുക്കും. വിദേശകാര്യമന്ത്രി ഡോ. എസ്. ജയശങ്കര്, പ്രതിരോധമന്ത്രി രാജ്നാഥ് സിങ് എന്നിവരുമായി കിരീടാവകാശി ഡല്ഹിയില് കൂടിക്കാഴ്ച നടത്തും.
രണ്ടാം ദിവസം ശൈഖ് ഹംദാന് മുംബൈ സന്ദര്ശിക്കും. ഇന്ത്യയിലെയും, യു.എ.ഇയിലെയും ബിസിനസ് പ്രമുഖരുമായി അദ്ദേഹം മുംബൈയില് കൂടിക്കാഴ്ച നടത്തും. വിവിധതലങ്ങളില് ഇന്ത്യയും യു.എ.ഇയും തമ്മിലെ ബന്ധം കൂടുതല് ശക്തിപ്പെടുത്താന് ലക്ഷ്യമിട്ടാണ് ദുബൈ കിരീടാവാശി ഇന്ത്യയിലെത്തുന്നത്. തന്ത്രപ്രധാനമേഖലകളില് ഇരുരാജ്യങ്ങളുടെ സഹകരണം ശക്തമാക്കുന്ന കരാറുകളിലേക്ക് സന്ദര്ശനം വഴി തുറന്നേക്കുമെന്നാണ് പ്രതീക്ഷ.
