മോസ്കോ: റഷ്യയുടെ കാംചാക്ക തീരത്ത്് വന് ഭൂചലനത്തിന് പിന്നാലെ ജപ്പാന്, റഷ്യ തീരങ്ങളില് സുനാമി. തീരപ്രദേശങ്ങളില് നിന്ന് ആളുകളെ ഒഴിപ്പിച്ചു. അമേരിക്കന് തീരങ്ങളില് ജാഗ്രതാ നിര്ദേശം നല്കിയിട്ടുണ്ട്. ജപ്പാനില് രണ്ടിടങ്ങളിലായി തീരത്ത് വലിയ കൂറ്റന് തിരമാലകള് ആഞ്ഞടിച്ചു. ഫുക്കുഷിമ ആണവ നിലയവും ഒഴിപ്പിച്ചു. ഇവിടുത്തെ വൈദ്യുതി ബന്ധം പൂര്ണമായി നിലച്ചിരിക്കുകയാണ്.
റഷ്യയില് വലിയ കെട്ടിടങ്ങള് തകര്ന്നുവെന്നാണ് ലഭിക്കുന്ന വിവരം. അമേരിക്കയിലും ചില പ്രദേശങ്ങളിലൊക്കെ തന്നെ സുനാമി തിരമാലകള് ആഞ്ഞടിക്കാനുള്ള സാധ്യതയുണ്ട്. ജപ്പാന്റെ വടക്കുകിഴക്കന് തീരത്ത് മൂന്ന് മീറ്റര് ഉയരത്തില് തിരമാലകള് ആഞ്ഞടിച്ചതായി ജപ്പാന് കാലാവസ്ഥ ഏജന്സി അറിയിച്ചു.
റഷ്യയുടെ കാംചാക്ക തീരത്താണ് വന് ഭൂചലനം ഉണ്ടായത്. റിക്ടര് സ്കെയിലില് 8.7 തീവ്രത രേഖപ്പെടുത്തി. പെട്രോപാവ്ലോസ്കില് നിന്ന് 134 കിലോമീറ്റര് തെക്ക് കിഴക്കന് ഭാഗത്താണ് പ്രഭവ കേന്ദ്രം. 74 കിലോമീറ്റര് ആഴത്തിലാണ് ഭൂകമ്പത്തിന്റെ പ്രഭവകേന്ദ്രമെന്ന് യുഎസ്ജിഎസ് അറിയിച്ചു. 2011ന് ശേഷം രേഖപ്പെടുത്തിയ ഏറ്റവും വലിയ ഭൂചലനമാണിതെന്നാണ് റിപ്പോര്ട്ട്.
