തൃശ്ശൂർ: പഴഞ്ഞി സെന്റ് മേരീസ് ഓർത്തഡോക്സ് കത്തീഡ്രൽയുടെ കീഴിലുള്ള സെന്റ് ഗ്രീഗോറിയോസ് കുരിശുപള്ളിയിൽ വാർഷിക പെരുന്നാളിന് കൊടിയേറ്റം നടന്നു. 21-ാം തീയതി ഞായറാഴ്ച്ച വികാരി ഫാദർ ജോൺ ഐസക് കൊടിയേറ്റ കർമ്മം നിർവഹിച്ചു.
ഡിസംബർ 27, 28 തീയതികളിലാണ് പെരുന്നാൾ ആഘോഷങ്ങൾ നടക്കുന്നത്. ഈ ദിവസങ്ങളിൽ പ്രത്യേക ശുശ്രൂഷകളും ആരാധനക്രമങ്ങളും അനുബന്ധമായ ഭക്തിപരിപാടികളും ക്രമീകരിച്ചിട്ടുണ്ടെന്ന് പള്ളി അധികൃതർ അറിയിച്ചു. ഭക്തിസാന്ദ്രമായ അന്തരീക്ഷത്തിൽ പെരുന്നാൾ ശുശ്രൂഷകളിൽ പങ്കെടുക്കുവാൻ വിശ്വാസികളെ സ്നേഹപൂർവ്വം ക്ഷണിച്ചു.
