അന്താരാഷ്ട്ര ബഹിരാകാശ നിലയത്തില് എട്ട് മാസമായി കഴിയുന്ന സുനിത വില്യംസ് മാര്ച്ചില് തിരിച്ചെത്തും. ഐഎസ്എസില് കുടുങ്ങിയ സുനിത വില്യംസും സഹയാത്രികന് ബുച്ച് വില്മോറും മാര്ച്ച് പകുതിയോടെ ഭൂമിയില് മടങ്ങിയെത്തുമെന്ന് നാസ അറിയിച്ചു.
ബോയിംഗിന്റെ സ്റ്റാര്ലൈനര് പേടകത്തില് കഴിഞ്ഞ ജൂണ് അഞ്ചിനായിരുന്നു ഇരുവരും ഐഎസ്എസിലേക്ക് യാത്ര തിരിച്ചത്. എന്നാല് സ്റ്റാര്ലൈനറിന്റെ പ്രൊപല്ഷന് സംവിധാനത്തിലെ തകരാറും ഹീലിയും ചോര്ച്ചയും കാരണം ഇരുവര്ക്കും നിശ്ചയിച്ച സമയത്ത് ഭൂമിയിലേക്ക് തിരികെ വരാനായില്ല.
2024 ജൂണ് മാസം മുതല് സുനിത വില്യംസും ബുച്ച് വില്മോറും അന്താരാഷ്ട്ര ബഹിരാകാശ നിലയത്തിലുണ്ട്. എട്ട് ദിവസത്തെ ദൗത്യത്തിന പോയി എട്ട് മാസമായി ഇരുവരും ബഹിരാകാശത്ത് തുടരുകയാണ്.
2025 മാര്ച്ച് പകുതിയോടെ സ്പേസ് എക്സിന്റെ ഡ്രാഗണ് പേടകത്തിലാണ് സുനിത വില്യംസും ബുച്ച് വില്യമോറും മടങ്ങിയെത്തുക. ഏറ്റവും കൂടുതല് സമയം ബഹിരാകാശ നടത്തം പൂര്ത്തിയാക്കിയ വനിതയെന്ന ലോക റെക്കോര്ഡ് ഇതിനിടെ സുനിത വില്യംസ് സ്ഥാപിക്കുകയും ചെയ്തു.
