തിരുവനന്തപുരം: ശ്രീചിത്ര ഇന്സ്റ്റിറ്റ്യൂട്ടില് ശസ്ത്രക്രിയ ഉപകരണങ്ങളുടെ ലഭ്യത കുറവുമുലം മുടങ്ങിപ്പോയ ശസ്ത്രക്രിയകള് പുനരാരംഭിച്ചു. മുടങ്ങിയ ആറു ശസ്ത്രക്രിയകളാണ് ഇന്നലെ നടത്തിയത്. അമൃത് ഫാര്മസി വഴി ഉപകരണങ്ങള് എത്തിച്ചതോടെയാണ് പ്രതിസന്ധിക്ക് പരിഹാരം ആയത്. കേന്ദ്രമന്ത്രി സുരേഷ് ഗോപിയുടെ സാന്നിദ്ധ്യത്തില് ചേര്ന്ന യോഗത്തിലാണ് പ്രശ്നപരിഹാരത്തിനു ഉചിതമായ തീരുമാനമെടുത്തത്.
2023ന് ശേഷം കരാര് പുതുക്കാതെ ഉപകരണങ്ങള് വിതരണം ചെയ്തിരുന്ന കമ്പനികള് ഇനി മുന്നോട്ട് പോകാനാകില്ലെന്ന് നിലപാടെടുത്തതോടെയാണ് ഉപകരണങ്ങള്ക്ക് ക്ഷാമമുണ്ടായത്. കമ്പനികളുടെ മുന്നറിയിപ്പ് കണക്കിലെടുക്കാതെ ആശുപത്രി അധികൃതര് മുന്നോട്ടുപോയാതാണ് രോഗികളെ വലച്ചത്.
രോഗികളുടെ മേല് ചികിത്സയുമായി ബന്ധപ്പെട്ട് അമിതഭാരം അടിച്ചേല്പ്പിക്കുന്നത് ശെരിയല്ല. ഏത് രാജ്യത്തുണ്ടാക്കിയ ചികിത്സാ ഉപകരണങ്ങളായാലും അത് ജനങ്ങള്ക്ക് പ്രാപ്യമായിരിക്കണം.ഇനിയുള്ള ആറ് മാസം ജം പോര്ട്ടല് വഴിയായിരിക്കും അമൃത് ഫാര്മസിയുടെ എത്തുക. അതില് ഏതെങ്കിലും തരത്തിലുള്ള അപര്യാപ്തതകള് ഉണ്ടെങ്കില് അത് പരിഹരിക്കും. ശ്രീചിത്രയിലെ ഡോക്ടര്മാരും മറ്റുള്ളവരും സഹകരിച്ചത് കൊണ്ട് മാത്രമാണ് ഈ പ്രതിസന്ധി എത്രയും വേഗം തന്നെ പരിഹരിക്കാനായതെന്നും കേന്ദ്ര മന്ത്രി സുരേഷ് മാധ്യമങ്ങളോട് പ്രതികരിച്ചു.
