കോട്ടയം: കേരള സംസ്ഥാന ചലച്ചിത്ര അക്കാദമിയുടെയും, എൻ എഫ് ഡി സിയുടെയും സംയുക്ത സഹകരണത്തോടെ കോട്ടയം ഫിലിം സൊസൈറ്റി സംഘടിപ്പിക്കുന്ന കോട്ടയം രാജ്യാന്തര ചലച്ചിത്ര മേളയ്ക്ക് ഫെബ്രുവരി ഇരുപത്തിന് തുടക്കമാകും. കോട്ടയം നഗരത്തിലെ അനശ്വര തിയറ്ററിൽ ഫെബ്രുവരി ഇരുപതു മുതൽ ഇരുപത്തിയാറ് വരെയാണ് ചലച്ചിത്രമേള നടക്കുന്നത്.
ഈ കൊല്ലത്തെ ഓസ്കാറിൽ മത്സരിക്കുന്ന ചിത്രങ്ങൾ, തിരുവനന്തപുരം ഐഎഫ്എഫ്കെയിൽ പുരസ്കാരങ്ങൾ നേടിയ ചിത്രങ്ങൾ, കഴിഞ്ഞ വർഷത്തെ ദേശീയ അവാർഡ് നേടിയ ചിത്രങ്ങൾ, ഇന്ത്യൻ പനോരമ ചിത്രങ്ങൾ, ഏറ്റവും പുതിയ മലയാള ചിത്രങ്ങൾ എന്നിവയടക്കം മുപ്പത്തിയഞ്ച് ചിത്രങ്ങൾ മേളയിൽ പ്രദർശിപ്പിക്കും.
