വിപണി ഇടപെടൽ പ്രവർത്തനങ്ങൾക്കായി സിവിൽ സപ്ലൈസ്‌ കോർപറേഷന്‌ 100 കോടി രൂപ അനുവദിച്ച് ധനമന്ത്രി കെ എൻ ബാലഗോപാൽ. വിഷു, റംസാൻ കാലയളവിൽ നിത്യോപയോഗ സാധനങ്ങളുടെ വിലക്കയറ്റം ഒഴിവാക്കാനുള്ള വിവിധ പ്രവർത്തനങ്ങളെ സഹായിക്കാനാണ്‌ തുക നൽകുന്നത്. ഇതുവരെ 489 കോടി രൂപയാണ്‌ ഈ സാമ്പത്തിക വർഷം സപ്ലൈകോയ്‌ക്ക്‌ വിപണി ഇടപെടൽ സഹായമായി നൽകിയത്‌. ബജറ്റ്‌ വിഹിതം 205 കോടി രുപയായിരുന്നു. ഇതുനുപുറമെയാണ്‌ 284 കോടി രൂപ അധികമായി അനുവദിച്ചത്‌.