സരയാവോ: ബോസ്നിയ ഹെർസെഗോവിനയിലെ വടക്കുകിഴക്കൻ പട്ടണമായ തുസ്ലയിൽ വിരമിച്ചവർക്കായി പ്രവർത്തിക്കുന്ന ബോർഡിംഗ് ഹൗസിൽ തീപിടിത്തം. നിരവധി പേർ മരിച്ചതായാണ് റിപ്പോർട്ട്. കെട്ടിടത്തിന്റെ മുകളിലത്തെ നിലയിൽ നിന്നാണ് തീപിടിത്തം ആരംഭിച്ചതെന്നാണ് പ്രാഥമിക വിലയിരുത്തൽ. 20 പേരെ പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്കേറ്റവരിൽ ചിലരുടെ നില ഗുരുതരമാണെന്നും അധികാരികൾ അറിയിച്ചു.
സംഭവത്തെക്കുറിച്ച് പ്രതികരിച്ച കന്റോണൽ നേതാവ് ഇർഫാൻ ഹാലിലാജിക്, മരണ വാർത്ത സ്ഥിരീകരിക്കുകയും, മറ്റ് താമസക്കാരെ സുരക്ഷിത സ്ഥലങ്ങളിലേക്ക് മാറ്റാനുള്ള നടപടികൾ പുരോഗമിക്കുകയാണെന്നും അറിയിച്ചു. തീപ്പിടിത്തത്തിന്റെ കാരണം വ്യക്തമല്ല. പൊലീസ് കേസിൽ അന്വേഷണം ആരംഭിച്ചെങ്കിലും കൂടുതൽ വിവരങ്ങൾ ഇതുവരെ പുറത്തുവിട്ടിട്ടില്ല. ബോസ്നിയയിലെ അവസാനകാലത്ത് നടന്നതിൽ ഏറ്റവും ദാരുണമായ തീപിടിത്തങ്ങളിലൊന്നായാണ് വിലയിരുത്തപ്പെടുന്നത്.
