കോട്ടയം: റോഡ് മുറിച്ചുകടക്കുന്നതിനിടെ കാറിടിച്ച് പരിക്കേറ്റ് ചികിത്സയിലായിരുന്ന പാലാ നഗരസഭ മുൻ സ്റ്റാൻഡിങ് കമ്മിറ്റി ചെയർമാൻ ടി.എം. സെബാസ്റ്റ്യൻ (77) അന്തരിച്ചു. വെള്ളാപ്പാട് തയ്യിൽ കുടുംബാംഗമായ അദ്ദേഹം ദീർഘകാലം പാലാ സെന്റ് വിൻസന്റ് ഇംഗ്ലീഷ് മീഡിയം സ്കൂളിലെ അധ്യാപകനായും സേവനമനുഷ്ഠിച്ചിട്ടുണ്ട്.

കഴിഞ്ഞ ഫെബ്രുവരി 6-ന് വൈകിട്ട് ഏഴു മണിയോടെ പാലാ – കോഴാ റോഡിൽ നെല്ലിയാനിക്ക് സമീപമായിരുന്നു അപകടം നടന്നത്. പരിക്കേറ്റതിനെത്തുടർന്ന് ചികിത്സയിലിരിക്കെയാണ് അന്ത്യം സംഭവിച്ചത്. മണ്ണയ്ക്കനാട് പൂവത്തേട്ട് കുടുംബാംഗമായ വിൻസിയാണ് ഭാര്യ. മക്കൾ: മാത്യൂസ്, മാനുവൽ, അനു. മരുമക്കൾ: ജീൻ സൂസൻ എഴുതൈക്കൽ, നസ്രത്ത് കൊച്ചി, ജോമോൾ വെള്ളാപ്പള്ളിയിൽ (പുൽപ്പള്ളി). സംസ്കാര ചടങ്ങുകൾ വരുംദിവസം ചൊവ്വാഴ്ച പാലാ കത്തീഡ്രലിൽ നടക്കും.