തിരുവനന്തപുരം: ശബരിമല യുവതീ പ്രവേശന വിഷയത്തില് നിലപാട് തിരുത്തി സംസ്ഥാന സര്ക്കാര്. യുവതീ പ്രവേശനം എതിര്ക്കാനും, ആചാരങ്ങള് സംരക്ഷിക്കാനുമുള്ള നിലപാട് സ്വീകരിക്കാന് തീരുമാനം. സിപിഎം സംസ്ഥാന സെക്രട്ടേറിയറ്റ് വിഷയം ചര്ച്ച ചെയ്തു. വിശ്വാസികളെ അകറ്റുന്ന നിലപാട് സ്വീകരിക്കരുതെന്ന് യോഗം സര്ക്കാരിനോട് ശുപാര്ശ ചെയ്തു. ഇന്നു വൈകീട്ട് ചേരുന്ന മന്ത്രിസഭായോഗത്തില് ആചാര സംരക്ഷണത്തിന് അനുകൂലമായി തീരുമാനമെടുത്ത് സര്ക്കാര് സുപ്രീംകോടതിയെ അറിയിക്കുമെന്നാണ് വിവരം.
ശബരിമലയില് സ്ത്രീകള്ക്ക് പ്രായഭേദമന്യേ പ്രവേശനം അനുവദിക്കണമെന്ന 2018ലെ വിധിക്കെതിരായ പുനഃപരിശോധനാ ഹര്ജികള് സുപ്രീം കോടതി പരിഗണിക്കാനിരിക്കെയാണ് കോടതിയില് സര്ക്കാര് നിലപാട് വ്യക്തമാക്കുക. ശബരിമലയിലെ ആചാരങ്ങള് സംരക്ഷിക്കണമെന്നും, ശബരിമലയില് യുവതീ പ്രവേശനത്തെ അനുകൂലിച്ച മുന് നിലപാട് തിരുത്താനും തിരുവിതാംകൂര് ദേവസ്വം ബോര്ഡ് തീരുമാനിച്ചിരുന്നു.
അതേസമയം ശബരിമലയിലെ യുവതീപ്രവേശന വിധി നിലനിര്ത്തണമെന്ന് ഇന്ത്യന് യങ് ലോയേഴ്സ് അസോസിയേഷന് സുപ്രീംകോടതിയെ നിലപാട് അറിയിച്ചിട്ടുണ്ട്. സ്ത്രീകളുടെ അന്തസ്സുമായി ബന്ധപ്പെട്ട വിഷയമാണെന്നും, ശബരിമലയെ പ്രത്യേക വിഭാഗമായി കാണാനാകില്ലെന്നുമാണ് അസോസിയേഷന് വ്യക്തമാക്കിയത്.
