വിശാഖപട്ടണം: ചരക്ക് സേവന നികുതി പരിഷ്കാരങ്ങളിലൂടെ രാജ്യത്തെ സാധാരണ ജനങ്ങള്ക്ക് 2 ലക്ഷം കോടി രൂപയുടെ നേട്ടമുണ്ടാകുമെന്ന് കേന്ദ്ര ധനകാര്യ മന്ത്രി നിര്മല സീതാരാമന്. ഇത് ജനങ്ങളുടെ കൈവശമുള്ള പണം വര്ദ്ധിപ്പിക്കുകയും, കൂടുതല് ചെലവഴിക്കലുകള്ക്ക് അവസരമൊരുക്കുകയും ചെയ്യുമെന്ന് അവര് പറഞ്ഞു. വിശാഖപട്ടണത്ത് നടന്ന ജി.എസ്.ടി. പരിഷ്കാരങ്ങളെക്കുറിച്ചുള്ള ഔട്ട്റീച്ച് ആന്ഡ് ഇന്ററാക്ഷന് പ്രോഗ്രാമില് സംസാരിക്കുകയായിരുന്നു അവര്. ജി.എസ്.ടി. വരുമാനത്തിന്റെ 12 ശതമാനം സംഭാവന ചെയ്യുന്ന 99 ശതമാനം ഉല്പ്പന്നങ്ങളും 5 ശതമാനം നികുതി സ്ലാബിലേക്ക് മാറ്റിയതായി മന്ത്രി ചൂണ്ടിക്കാട്ടി. ഇത് ഇടത്തരം, പാവപ്പെട്ട ജനങ്ങള്ക്ക് വലിയ പ്രയോജനം ചെയ്യും. ഉപഭോക്താക്കളുടെ നികുതിഭാരം കുറയ്ക്കുന്നതിനും സമ്പദ് വ്യവസ്ഥയിലെ പണലഭ്യത വര്ദ്ധിപ്പിക്കുന്നതിനും വേണ്ടിയാണ് ജി.എസ്.ടി. കൗണ്സില് ഈ തീരുമാനം എടുത്തതെന്നും അവര് വ്യക്തമാക്കി.
