കൊച്ചി: വിദ്യാർത്ഥികളിൽ എച്ച് 1 എൻ 1 രോഗലക്ഷണങ്ങൾ കണ്ടെത്തിയതിനെ തുടർന്ന് എറണാകുളത്തെ കുസാറ്റ് ക്യാമ്പസ് അഞ്ച് ദിവസത്തേക്ക് അടച്ചു. ഇന്ന് മുതൽ ഓൺലൈൻ ക്ലാസുകൾ നടത്താനാണ് തീരുമാനം. ക്യാമ്പസിലെ ചില ഹോസ്റ്റലുകളിലാണ് രോഗബാധ കണ്ടതിയത്. കേരളത്തിന് പുറത്തുള്ളവർ ഒഴികെ മറ്റെല്ലാ വിദ്യാർത്ഥികളോടും ഹോസ്റ്റൽ മുറികൾ ഒഴിയാൻ നിർദ്ദേശിച്ചിട്ടുണ്ട്.
നിലവിൽ അഞ്ച് വിദ്യാർത്ഥികൾക്ക് രോഗബാധ സ്ഥിരീകരിച്ചതായാണ് വിവരം. ഈ മാസം അഞ്ചാം തീയതി മുതൽ ഓരോ ഡിപ്പാർട്മെന്റുകളും ഭാഗീകമായി തുറന്നു പ്രവർത്തിക്കും. സാഹചര്യങ്ങൾ നിരീക്ഷിച്ചതിന് ശേഷം മാത്രമായിരിക്കും ക്യാമ്പസ് പൂർണമായും തുറന്നു പ്രവർത്തിക്കുകയെന്ന് അധികൃതർ അറിയിച്ചു.
