തൃശ്ശൂർ: കേരളത്തിലെ ജനങ്ങളുടെ സന്തോഷനിലവാരം ഉയർത്തുന്നതിന് ലക്ഷ്യമിട്ട് കുടുംബശ്രീ എസ്എൻ.എച്ച്ഡബ്ല്യുയുടെ നേതൃത്വത്തിൽ സംസ്ഥാനത്തെ സി.ഡി.എസ്.കൾ നടപ്പിലാക്കുന്ന ‘ഹാപ്പി കേരളം’ പദ്ധതിയുടെ ഭാഗമായി ചാവക്കാട് 24-ാം വാർഡിലെ സി.ഡി.എസ്. അംഗങ്ങളുടെ നേതൃത്വത്തിൽ ‘തീരാങ്കണം’ എന്ന പേരിൽ പരിപാടി സംഘടിപ്പിച്ചു.

മിനി വാഗമണ്ണിൽ വെച്ചാണ് പരിപാടി നടന്നത്.വാർഡ് കൗൺസിലർ കെ.വി. സന്തോഷ് പരിപാടി ഉദ്ഘാടനം ചെയ്തു. സി.ഡി.എസ്. ചെയർപേഴ്സൺ ജീന രാജീവ് അധ്യക്ഷത വഹിച്ചു. സി.ഡി.എസ്. മെമ്പർ ഷിനി അരുള്‍ദാസ് സ്വാഗതം പറഞ്ഞു.പരിപാടിയുടെ ഭാഗമായി ആർ.പി.മാരായ ഷൈജ ഹുസൈൻ, പ്രിയ ഷാജി എന്നിവർ ക്ലാസുകൾ നയിച്ചു. സി.ഡി.എസ്. അംഗങ്ങൾ, കുടുംബശ്രീ കുടുംബാംഗങ്ങൾ എന്നിവർ പരിപാടിയിൽ പങ്കെടുത്തു.