തിരുവനന്തപുരം: ബംഗാള് ഉള്ക്കടലില് രൂപപ്പെട്ട ന്യൂനമര്ദം ശക്തിയാര്ജിച്ച് ‘മൊന് ന്ത’ ചുഴലിക്കാറ്റായി മാറുന്നതോടെ ഇന്ന് വീണ്ടും മഴ കനക്കും.
മഴ കനക്കുന്ന സാഹചര്യത്തില് കേന്ദ്ര കാലാവസ്ഥ വകുപ്പ് ഇന്ന് കോഴിക്കോട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ആലപ്പുഴ, ഇടുക്കി, എറണാകുളം, തൃശൂര്, പാലക്കാട്, മലപ്പുറം, വയനാട് ജില്ലകളില് ഇന്നും തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് നാളെയും യെലോ അലര്ട്ടാണ്.
കേരള തീരത്ത് 28 വരെയും കര്ണാടക, ലക്ഷദ്വീപ് തീരങ്ങളില് 29 വരെയും മത്സ്യബന്ധനം പാടില്ലെന്ന നിര്ദേശവും നല്കിയിട്ടുണ്ട്.
വിവിധ ജില്ലകളില് കനത്ത മഴ പെയ്യുന്നുണ്ട്. കൊച്ചിയില് പുലര്ച്ചെ മുതല് നിര്ത്താതെ പെയ്യുന്ന മഴയില് ഗതാഗതം പലയിടത്തും താറുമാറായി. എം.ജി. റോഡിലടക്കം വെള്ളക്കെട്ടുകള് രൂപപ്പെട്ടത് ജനങ്ങള്ക്ക് ബൂദ്ധിമുട്ട് ഉണ്ടാക്കിയിരിക്കുകയാണ്.
ഇന്നു ചെന്നൈയിലും സമീപ ജില്ലകളിലും കനത്ത മഴയ്ക്കു സാധ്യതയെന്നു കാലാവസ്ഥാ മുന്നറിയിപ്പ്. ചെന്നൈ, കാഞ്ചീപുരം, തിരുവള്ളൂര്, റാണിപ്പെട്ട് ജില്ലകളില് ഇന്ന് അതിശക്ത മഴയ്ക്കുള്ള ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
