തിരുവനന്തപുരം: സംസ്ഥാനത്ത് മഴ കനക്കുന്നു. അടുത്ത അഞ്ച് ദിവസത്തേക്ക് വ്യാപക മഴയ്ക്ക സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. നാളെ കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഓറഞ്ച് അലേർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം തുടങ്ങി ജില്ലകളിൽ യെല്ലോ അലേർട്ടും നൽകി.
കേന്ദ്ര കാലാവസ്ഥ വകുപ്പിന്റെ മുന്കൂര് പ്രവചന പ്രകാരം ജൂണ് 13 – 19 വരെ സാധാരണ ലഭിക്കുന്നതിനേക്കാള് കൂടുതല് മഴക്കാണ് സാധ്യത. ശനിയാഴ്ച മുതല് തിങ്കളാഴ്ച വരെ കേരളത്തിൽ മണിക്കൂറില് പരമാവധി 50 -60 കിലോമീറ്റര് വരെ വേഗതയില് കാറ്റ് ശക്തമാകാനും സാധ്യതയുണ്ട്. കാറ്റിൻ്റെ സാധ്യത കണക്കിലെടുത്ത് കേരള കര്ണാടക ലക്ഷദ്വീപ് തീരങ്ങളില് തിങ്കളാഴ്ച വരെ മത്സ്യബന്ധനത്തിന് വിലക്കേര്പ്പെടുത്തി.
