കൊച്ചി: മുനമ്പം ജുഡീഷ്യല് കമ്മീഷന് നിയമനം ഹൈക്കോടതി റദ്ദാക്കി. ജുഡീഷ്യല് കമ്മീഷനെ നിയമിച്ചുകൊണ്ടുള്ള സര്ക്കാര് ഉത്തരവാണ് റദ്ദാക്കിയത്. ജസ്റ്റിസ് ബെച്ചു കുര്യന് തോമസ് ആണ് വിധി പറഞ്ഞത്. ജുഡീഷ്യല് കമ്മിഷന് നടത്തുന്ന അന്വേഷണം തടയണമെന്ന് ആവശ്യപ്പെട്ട് കേരള വഖഫ് സംരക്ഷണ വേദി നല്കിയ ഹര്ജിയിലാണ് വിധി.
കമ്മീഷന് നിയമനത്തില് സര്ക്കാര് യാന്ത്രികമായി തീരുമാനമെടുത്തു. മനസിരുത്തിയല്ല സര്ക്കാര് ജുഡീഷ്യല് കമ്മീഷനെ നിയോഗിച്ചത്.
ജുഡീഷ്യല് കമ്മീഷനെ നിയോഗിക്കാനുള്ള സര്ക്കാര് തീരുമാനം നീതിയുക്തമല്ല. നിയമനത്തില് കൃത്യമായ വിശദീകരണം നല്കാന് സര്ക്കാരിനായില്ലെന്നും കോടതി പറഞ്ഞു.
കമ്മീഷന് നിയമ സാധുതയില്ലെന്ന് സിംഗിള് ബെഞ്ച് തീരുമാനമെടുത്ത സാഹചര്യത്തില് ഡിവിഷന് ബെഞ്ചില് സര്ക്കാര് അപ്പീല് നല്കാനാണ് സാധ്യത. വസ്തുതാ അന്വേഷണമാണ് ജുഡീഷ്യല് അന്വേഷണ കമ്മീഷന് മുനമ്പത്ത് നടത്തുന്നത് എന്നാണ് സര്ക്കാരിന്റെ വിശദീകരണം.
