കോട്ടയം: ലോറിയിൽ കൊണ്ടുപോയ ഹിറ്റാച്ചി താഴെ വീണുണ്ടായ അപകടത്തിൽ ഓട്ടോ ഡ്രൈവർക്ക് പരിക്ക്. വളളിച്ചിറ ആര്യപ്പാറയിൽ ദീപു (45) വിനാണ് പരിക്കേറ്റത്. ഇദ്ദേഹം പാലാ ജനറലാശുപത്രിയിൽ ചികിത്സയിലാണ്. പാലാ ബൈപ്പാസ് റോഡ് പാലാ-കോഴ റോഡുമായി ചേരുന്ന ആർ.വി. ജങ്ഷനിൽ ഞായറാഴ്ച വൈകിട്ട് നാല് മണിയോടെയായിരുന്നു സംഭവം. ഹിറ്റാച്ചി റോഡിൽ പതിച്ചതിനേത്തുടർന്ന് അരമണിക്കൂറോളം ഈ ഭാഗത്ത് ഗതാഗത തടസ്സവും അനുഭവപ്പെട്ടു.