അടുത്ത പത്ത് വര്ഷത്തേക്ക് ചെറുപ്പം നിലനില്ത്താന് ഹോളിവുഡ് നടി ആഞ്ജലീന ജോളി ലേസര് ചികിത്സ നടത്തിയെന്ന് റിപ്പോര്ട്ട്. 50-കാരിയായ താരം സ്വയം പരിചരണത്തിന് മുന്ഗണന നല്കുന്നുണ്ട്.ചര്മ്മത്തിന്റെ ഘടന മെച്ചപ്പെടുത്തുന്നതിനും ദൃഢത നല്കുന്നതിനുമായി ജോളി ഗൗരവമേറിയ ചില ലേസര് ചികിത്സകള് തിരഞ്ഞെടുത്തതായി ഈയിടെ പുറത്തുവന്ന റിപ്പോര്ട്ട് എടുത്തുപറയുന്നുണ്ട്. ഇതിന് ലഭിച്ച ഫലം അതിശയകരമായിരുന്നു. മുഖത്ത് ഭാവമാറ്റമില്ലാത്ത അവസ്ഥ ഒഴിവാക്കാന് അതിന്റെ ഉപയോഗത്തില് വളരെ മിതത്വം പാലിക്കുന്നുണ്ടെന്ന് നടിയുമായി അടുത്ത വൃത്തങ്ങളെ ഉദ്ധരിച്ച് റിപ്പോര്ട്ട് പറയുന്നു.
സൗന്ദര്യവര്ദ്ധക ചികിത്സകള്ക്ക് പുറമെ, തന്റെ സൗന്ദര്യ സംരക്ഷണത്തിന് അനുയോജ്യമായ രീതിയില് സമീകൃതാഹാരത്തിലും ജോളി ശ്രദ്ധ കേന്ദ്രീകരിക്കുന്നുണ്ടെന്ന് റിപ്പോര്ട്ടുകള് പറയുന്നു.പ്രോട്ടീനുകളും പഴങ്ങളും പച്ചക്കറികളും അടങ്ങിയ ഭക്ഷണക്രമമാണ് താരം ഉപയോഗിക്കുന്നത്.
വര്ഷങ്ങളായി, മാനസിക സമ്മര്ദ്ദമുള്ള സമയങ്ങളില് വിശപ്പില്ലായ്മ പോലുള്ള വെല്ലുവിളികള് താരം നേരിട്ടിരുന്നു. എന്നിരുന്നാലും, നടി ഇപ്പോള് കൂടുതല് സുസ്ഥിരമായ ഒരു ഭക്ഷണരീതി സ്വീകരിച്ചിട്ടുണ്ട്. ഇത് അവരുടെ ആരോഗ്യത്തില് പ്രകടമായ പുരോഗതിക്ക് കാരണമായിട്ടുണ്ടെന്നും റിപ്പോര്ട്ടില് പറയുന്നു.
