ജാപ്പനീസ് ജനപ്രിയ ടൂവീലർ ബ്രാൻഡായ ഹോണ്ട ഇപ്പോൾ CBR650R ഇ-ക്ലച്ച് ബൈക്കിന്‍റെ വിതരണം ആരംഭിച്ചിരിക്കുകയാണ്. ബൈക്കിന്റെ വില 10.40 ലക്ഷം രൂപയാണ്. ഹോണ്ട ബിഗ് വിംഗ് ഡീലർഷിപ്പുകൾ വഴി മാത്രമാണ് ബൈക്ക് വിൽക്കുന്നത്. ഹോണ്ട CBR650R-ന് പൂർണ്ണ ഫെയറിംഗും ഇരട്ട-ഹെഡ്‌ലാമ്പ് സജ്ജീകരണവുമുള്ള ഒരു സ്പോർട്ടി ലുക്ക് ഉണ്ട്. ഗ്രാൻഡ് പ്രിക്സ് റെഡ്, മാറ്റ് ഗൺപൗഡർ ബ്ലാക്ക് മെറ്റാലിക് പെയിന്റ് സ്കീം ഓപ്ഷനുകൾ ഡിസൈൻ പൂർത്തിയാക്കിയിരിക്കുന്നു.

ബൈക്കിന്‍റെ എഞ്ചിൻ, ബൈക്കിന് 649 സിസി ലിക്വിഡ്-കൂൾഡ്, ഇൻലൈൻ 4 സിലിണ്ടർ എഞ്ചിനാണുള്ളത്. 94 ബിഎച്ച്പി പവറും 63 എൻഎം ടോർക്കും ഉത്പാദിപ്പിക്കുന്നു. ഇതിൽ 6 സ്പീഡ് ഗിയർബോക്സും അസിസ്റ്റ് ക്ലച്ചും ലഭിക്കും. ഇ-ക്ലച്ച് ഓപ്ഷനും ലഭിക്കുന്നു.

ഒരു നൂതന സാങ്കേതികവിദ്യയാണ് ഹോണ്ടയുടെ ഇ-ക്ലച്ച് ടെക്നോളജി. ഇത് ആദ്യമായി അവതരിപ്പിച്ചത് 2023 നവംബറിലാണ്. ഇതിന്റെ ഉപയോഗത്തോടെ, ഗിയർ മാറ്റുന്നത് മുമ്പത്തേക്കാൾ വളരെ എളുപ്പമായി. അതും ക്ലച്ച് ലിവർ അമർത്താതെ തന്നെ ഗിയർ മാറാം. ഇതിന്റെ ഗുണങ്ങളെക്കുറിച്ച് നമ്മൾ സംസാരിക്കുകയാണെങ്കിൽ, സ്റ്റാർട്ട്, സ്റ്റോപ്പ്, ഗിയർ ഷിഫ്റ്റ് എന്നിവ ക്ലച്ച് ലിവർ ഇല്ലാതെ തന്നെ ചെയ്യാൻ കഴിയും. കാരണം ഇത് ഗിയർബോക്‌സിന്റെ ഓട്ടോമാറ്റിക് ക്ലച്ച് മാനേജ്‌മെന്റും നൽകുന്നു. ഇതിൽ നിങ്ങൾക്ക് ക്വിക്ക്ഷിഫ്റ്ററും മാനുവൽ ക്ലച്ചും, ഡിസിടിയും ലഭിക്കും. നിങ്ങളുടെ ആവശ്യാനുസരണം ക്ലച്ചും ഗിയറും മാനുവലായി ഉപയോഗിക്കാം. ഇ-ക്ലച്ച് കാരണം, ബൈക്കിന്റെ ഭാരം 2.8 കിലോഗ്രാം വരെ വർദ്ധിക്കുന്നു.

ഈ ബൈക്കിന്റെ സുരക്ഷാ സവിശേഷതകളെയും കുറിച്ച് പറയുകയാണെങ്കിൽ, മുന്നിൽ 310 എംഎം ഡ്യുവൽ ഫ്ലോട്ടിംഗ് ഡിസ്ക് ബ്രേക്കും പിന്നിൽ 240 എംഎം സിംഗിൾ ഡിസ്‍ക് ബ്രേക്കും ഉണ്ട്. മികച്ച നിയന്ത്രണത്തിനും സുരക്ഷയ്ക്കും വേണ്ടി ഡ്യുവൽ ചാനൽ എബിഎസ് സംവിധാനവും ഇതിലുണ്ട്. ഹോണ്ട റോഡ്‌സിങ്ക് ആപ്പുമായി പ്രവർത്തിക്കുന്ന അഞ്ച് ഇഞ്ച് ടിഎഫ്‍ടി ഡിസ്‌പ്ലേയാണ് ഇതിലുള്ളത്. ഈ ആപ്പിന്‍റെ സഹായത്തോടെ കോളുകൾ, സന്ദേശങ്ങൾ, നാവിഗേഷൻ, ബ്ലൂടൂത്ത് കണക്റ്റിവിറ്റി തുടങ്ങിയ സവിശേഷതകളും ലഭ്യമാണ്.