കൊച്ചി: തൃക്കാക്കരയിലെ ട്വന്റി 20 സ്ഥാനാര്ത്ഥിയായ അഖില് മാരാര്ക്ക് മറുപടിയുമായി പാലക്കാട്ടെ യുഡിഎഫ് സ്ഥാനാര്ത്ഥിയും നടനുമായ രമേഷ് പിഷാരടി രംഗത്ത് . അഖില് ഇന്ന് പറയുന്നതിനൊന്നും മറുപടി പറയേണ്ടതില്ലെന്നും രണ്ട് വര്ഷം കാത്തിരുന്ന ശേഷം അഖില് അത് തന്നെയാണോ പറയുന്നതെന്ന് ഉറപ്പിച്ചിട്ടേ മറുപടി പറയാവൂ എന്നും രമേഷ് പിഷാരടി പരിഹസിച്ചു.
അഖില് ചിലപ്പോള് എന്നേക്കാളും ഇളയ ആളായിരിക്കും. അഖില് എന്നെ ശ്രദ്ധിക്കുന്നതുപോലെ ഞാന് അദ്ദേഹത്തെ ശ്രദ്ധിക്കാറില്ല . ഒരാഴ്ച കഴിഞ്ഞാല് ഞാന് മഹാനാണെന്നും നല്ല മനുഷ്യനാണെന്നും അഖില് തന്നെ ചിലപ്പോൾ തിരുത്തി പറയുമെന്നും പിഷാരടി കൂട്ടിച്ചേർത്തു .
ഇന്നലെ വരെ ലാഭം നോക്കി ജീവിച്ച പിഷാരടി വീണ്ടും ലാഭം കൊയ്യാനാണ് രാഷ്ട്രീയത്തില് ഇറങ്ങുന്നത് എന്നതായിരുന്നു അഖില് മാരാര് പറഞ്ഞത്. രമേഷ് പിഷാരടിയുടെ ആസ്തിയുമായി ബന്ധപ്പെട്ട ചര്ച്ചകള് നടക്കുന്നതിനിടെയായിരുന്നു അഖില് മാരാരുടെ ഈ പരാമർശം .
