ന്യൂ ഡല്ഹി: രാജ്യത്ത് ആദ്യമായി ദയാവധത്തിന് അനുമതി നല്കി സുപ്രീം കോടതി. 13 വര്ഷമായി കോമയില് കഴിയുന്ന ഹരീഷ് റാണയ്ക്കാണ് ദയാവധത്തിന് അനുമതി നല്കിയിരിക്കുന്നത്. ഘട്ടം ഘട്ടമായി ചികിത്സ അവസാനിപ്പിക്കാനാണ് സുപ്രീം കോടതി അനുമതി നല്കിയത്. വെന്റിലേറ്റര് സഹായം പിന്വലിക്കാനും കോടതി അനുമതി നല്കി. ദയാവധം നിയമവിധേയമാക്കിയതിന് ശേഷമുള്ള ആദ്യ വിധിയാണിത്.
ഹരീഷിന്റെ മാതാപിതാക്കളുടെ അഭ്യര്ത്ഥന മാനിച്ചാണ് കോടതി ഈ വിധി പുറപ്പെടുവിച്ചത്. പഞ്ചാബ് സര്വകലാശാലയിലെ വിദ്യാര്ത്ഥിയായിരുന്ന ഹരീഷ് റാണ, 2013ല് കെട്ടിടത്തിന്റെ നാലാം നിലയില് നിന്ന് വീണാണ് ഗുരുതരമായി പരുക്കേറ്റത്. അന്നുമുതല് കോമയില് ചികിത്സയിലായിരുന്നു.
