കണ്ണൂർ: അന്താരാഷ്ട്ര സംഘടനയായ വൈസ്‌മെൻ ഇന്റർനാഷണലിന്റെ കീഴിൽ വനിതകൾ മാത്രമുള്ള വൈസ് വുമൺസ് ക്ലബ് ഓഫ് കൂത്തുപറമ്പ്, ശ്രീമതി. കെ.കെ. ശൈലജ ടീച്ചർ എം.എൽ.എ. ഉദ്ഘാടനം ചെയ്തു. കൂത്തുപറമ്പിൽ നടന്ന ചടങ്ങിൽ ക്ലബ്ബിന്റെ സാമൂഹ്യസേവന പ്രവർത്തനങ്ങൾക്ക് തുടക്കം കുറിച്ചു.ഏരിയ സർവീസ് ഡയറക്ടർ സി. വിശ്വനാഥന്റെ അധ്യക്ഷതയിൽ ചേർന്ന യോഗത്തിൽ, റീജനൽ ഡയറക്ടർ പി.എസ്. ഫ്രാൻസിസ് സ്ഥാനാരോഹണ കർമ്മത്തിന് നേതൃത്വം നൽകി. ഡിസ്ട്രിക്ട് 4 ഗവർണർ സാബു കുര്യാക്കോസ് പുതിയ അംഗത്വ വിതരണം നിർവ്വഹിച്ചു.