ന്യൂഡൽഹി: ഇൻഡ്യാ മുന്നണി യോഗം പോസിറ്റീവായിരുന്നുവെന്ന് സിപിഐഎം ജനറല് സെക്രട്ടറി എം എ ബേബി. തിങ്കളാഴ്ച ആരംഭിക്കുന്ന പാർലമെന്റ് സമ്മേളനത്തിൽ സ്വീകരിക്കേണ്ട നിലപാടുകളും പഹൽഗാം ഭീകരാക്രമണവും അതിനുശേഷം ഉണ്ടായ സംഭവവികാസങ്ങളും യോഗത്തിൽ ചർച്ചയായെന്നും എംഎ ബേബി പറഞ്ഞു. ഓൺലൈനായാണ് യോഗം ചേർന്നത്.
ബിഹാർ വോട്ടർ പട്ടിക വിഷയം ഒറ്റക്കെട്ടായി ഉന്നയിക്കുമെന്നും എം എ ബേബി പറഞ്ഞു. ഓഗസ്റ്റ് ആദ്യം വീണ്ടും ഇൻഡ്യാ സഖ്യയോഗം ചേരും. പാർലമെന്റിന് പുറത്തും പ്രതിഷേധം സംഘടിപ്പിക്കും. ഇൻഡ്യാ സഖ്യത്തിൽ അഭിപ്രായ വ്യത്യാസമില്ലെന്നും എം എ ബേബി പറഞ്ഞു.
