ടൊറന്റോ : കാനഡയിലെ ടൊറന്റോ സര്വ്വകലാശാലയ്ക്ക് സമീപം ഇന്ത്യന് വിദ്യാര്ത്ഥി വെടിയേറ്റ് മരിച്ചു. പിഎച്ച്ഡി വിദ്യാര്ത്ഥിയായ ശിവാങ്ക് അവസ്തിയാണ്(20 ) കൊല്ലപ്പെട്ടത്. ടൊറന്റോ സര്വ്വകലാശാലയുടെ സ്കാര്ബറോ കാമ്പസിന് സമീപത്ത് വെച്ചാണ് വിദ്യാര്ത്ഥി കൊല്ലപ്പെട്ടത്.
ഈ വര്ഷം ടൊറന്റോയില് മാത്രം റിപ്പോര്ട്ട് ചെയ്യപ്പെടുന്ന 41-ാമത്തെ കൊലപാതകമാണിത്. മലയാളികളടക്കം നിരവധി ഇന്ത്യന് വിദ്യാര്ത്ഥികളാണ് കാനഡയില് പഠനം നടത്തുന്നത്.
പ്രതികള് പൊലീസെത്തും മുന്പ് സംഭവസ്ഥലത്ത് നിന്ന് രക്ഷപ്പെട്ടു. പ്രതികളെ കണ്ടെത്താനായി പൊലീസ് പൊതുജനങ്ങളുടെ സഹായം തേടിയിട്ടുണ്ട്. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവര് അറിയിക്കണമെന്ന് അധികൃതര് അഭ്യര്ത്ഥിച്ചു.
പ്രതികളെക്കുറിച്ചുള്ള സൂചനകള്ക്കായി പോലീസ് പ്രദേശത്തെ സിസിടിവി ദൃശ്യങ്ങള് പരിശോധിച്ച് വരികയാണ്. ശിവാങ്ക് അവസ്തിയുടെ കൊലപാതകത്തില് ഇന്ത്യ അതീവ ദുഃഖം രേഖപ്പെടുത്തി. ടൊറന്റോയിലെ ഇന്ത്യന് കോണ്സുലേറ്റ് ജനറല് വിദ്യാര്ത്ഥിയുടെ കുടുംബത്തിന് ആവശ്യമായ എല്ലാ സഹായങ്ങളും നല്കുമെന്ന് അറിയിച്ചു.
