ധർമ്മസ്ഥലയിലെ ശുചീകരണ തൊഴിലാളിയുടെ വെളിപ്പെടുത്തലിൽ ഇന്നും മണ്ണ് നീക്കിയുള്ള പരിശോധന നടത്തും. റോഡിനോട് ചേർന്നുള്ള സ്പോട്ടുകളും പരിശോധിക്കും. 7 മൃതദേഹങ്ങൾ ഇവിടെ കുഴിച്ചിട്ടിട്ടുണ്ടെന്നാണ് ശുചീകരണ തൊഴിലാളിയുടെ വെളിപ്പെടുത്തൽ. ഇന്നലെ നടന്ന തെരച്ചിലിൽ ആറാം സ്പോട്ടിൽ നിന്ന് അസ്ഥികൾ കണ്ടെത്തിയിരുന്നു. ഇതിന്റെ കാലപ്പഴക്കം അടക്കമുള്ള പരിശോധനകൾ നടന്നുവരികയാണ്.

ഡിജിപി പ്രണബ് മോഹന്തി ഇന്നലെ രാത്രി ബെൽത്തങ്ങാടി എസ്ഐടി ഓഫീസിൽ എത്തി. ഇവിടെ നിന്ന് 15 അസ്ഥികൾ ആണ് കണ്ടെത്തിയിട്ടുള്ളത്. പലതും പൊട്ടിയിട്ടുണ്ട്. തലയോട്ടിയുടെ ഭാഗം കണ്ടെത്തിയിട്ടുണ്ടോ എന്ന് വ്യക്തമല്ല. പുരുഷന്റെ അസ്ഥിയാണെന്നാണ് സ്ഥിരീകരണം. ഫോറെൻസിക് സംഘം അസ്ഥികൾ പരിശോധനകൾക്കായി കൊണ്ടുപോയി.