ടെഹ്റാൻ: ഇറാനിലെ ബന്ദര് അബ്ബാസ് തുറമുഖത്തുണ്ടായ സ്ഫോടനത്തിൽ സംഖ്യ 14 പേർ മരിച്ചു 750ഓളം പേര്ക്ക് പരിക്കേറ്റു. തുറമുഖത്തിന്റെ ഒരു കിലോമീറ്റര് ചുറ്റളവില് കനത്ത കനത്ത നാശ നഷ്ടമാണ് ഉണ്ടായിരിക്കുന്നത്. ബന്ദര് അബ്ബാസ് തുറമുഖത്തിന്റെ ഷഹീദ് റജയി ഭാഗത്താണ് സ്ഫോടനമുണ്ടായത്. സംഭവത്തിൽ ഇറാൻ പ്രസിഡന്റ് ഉന്നത തല അന്വേഷണം പ്രഖ്യാപിച്ചു.
സ്ഫോടനത്തിനുശേഷം തുടരുന്ന തീ കൂടുതൽ മേഖലയിലേക്ക് പടരാതിരിക്കാനുള്ള നടപടികള് സ്വീകരിച്ചുവരുകയാണെന്നും പ്രസിഡന്റ് അറിയിച്ചു. നിരവധി പേരാണ് പരിക്കേറ്റ് ആശുപത്രികളില് ചികിത്സയിലുള്ളത്. ഇതിനാൽ തന്നെ മരണ സംഖ്യ ഉയരാനുള്ള സാധ്യത കൂടുതലാണ്. സ്ഫോടനത്തിന്റെ യഥാര്ത്ഥ കാരണം വ്യക്തമല്ല. കണ്ടെയ്നറുകള്ക്കുള്ളിൽ രാസവസ്തുക്കളുണ്ടായിരുന്നുവെന്നും ഇതാണ് സ്ഫോടനത്തിന് കാരണമായതെന്നാണ് പ്രാഥമിക നിഗമനമെന്ന് ഇറാൻ വക്താവ് ഹൊസൈൻ പറഞ്ഞു.
സ്ഫോടനത്തിന് പിന്നാലെ ബന്ദർ അബ്ബാസ് തുറമുഖത്തിന്റെ പ്രവർത്തനം നിർത്തിവച്ചിട്ടുണ്ട്. സ്ഫോടനത്തിൽ പ്രദേശത്തെ നിരവധി കെട്ടിടങ്ങൾക്കും സാരമായ നാശനഷ്ടം സംഭവിച്ചിട്ടുണ്ട്. പരിക്കേറ്റവരുടെ രക്ഷാപ്രവർത്തനം പുരോഗമിക്കുകയാണ്. കണ്ടെയ്നര് ചരക്കുനീക്കത്തിനുള്ള ഇറാനിലെ ഏറ്റവും വലിയ തുറമുഖമാണിത്.
