ടെഹ്റാന്: പശ്ചിമേഷ്യന് യുദ്ധം അവസാനിപ്പിക്കാന് ഇന്ത്യ നടത്തുന്ന ചര്ച്ചകളെ സ്വാഗതം ചെയ്ത് ഇറാന്. സംഘര്ഷം നിലനില്ക്കുന്ന ഹോര്മൂസ് കടലിടുക്ക് വഴി ഇന്ത്യന് കപ്പലുകള്ക്ക് സുരക്ഷിതമായി കടന്നുപോകാനുള്ള അനുമതിയും ഇറാന് നല്കി. 15,400 ടണ് എല്പിജിയുമായി ഗ്രീന് ആശ എന്ന ഇന്ത്യന് കപ്പല് സുരക്ഷിതമായി കടലിടുക്ക് കടന്നു. യുദ്ധം തുടങ്ങിയ ശേഷം ഇത്തരത്തില് കടന്നുപോകുന്ന എട്ടാമത്തെ കപ്പലാണിത്.
അതിനിടെ വീണ്ടും ഭീഷണിയുമായി ട്രംപ് രംഗത്തെത്തിയിട്ടുണ്ട്. ഇറാന്റെ വൈദ്യുതി നിലയങ്ങളെയും പാലങ്ങളെയും ആക്രമിക്കുമെന്നാണ് ട്രംപ് വീണ്ടും പറഞ്ഞിരിക്കുന്നത്. ഹോര്മൂസ് കടലിടുക്ക് തുറന്ന് സമാധാനക്കരാറില് ഒപ്പിടാന് ഇറാന് നല്കിയ പത്ത് ദിവസത്തെ സമയം ചൊവ്വാഴ്ച അവസാനിക്കുകയാണ്.
