തിരുവനന്തപുരം: ജനയുഗം ദിനപത്രം തിരുവനന്തപുരം ബ്യൂറോ ചീഫ് ആയിരുന്ന പി എസ് രശ്മിയുടെ ഓർമ്മയ്ക്കായി, പി എസ് രശ്മി സൗഹൃദ കൂട്ടായ്മ യുവ മാധ്യമപ്രവർത്തകർക്ക് ഏർപ്പെടുത്തിയ പ്രഥമ പി എസ് രശ്മി മെമ്മോറിയൽ യംഗ് ജേർണലിസ്റ്റ് അവാർഡ് പ്രഖ്യാപിച്ചു. പുരസ്കാരത്തിന് മലയാള മനോരമ ഇടുക്കി ബ്യൂറോ റിപ്പോർട്ടർ ജോ മാത്യു അർഹനായി. 2024 നവംബർ 24-ന് പ്രസിദ്ധീകരിച്ച “കുഞ്ഞുമോന്റെ വലിയ ജീവിതം” എന്ന ഹ്യൂമൻ ഇന്ററസ്റ്റഡ് സ്റ്റോറിയാണ്. പുരസ്‌കാരത്തിന് അര്‍ഹനാക്കിയത്. പുരസ്കാരം 11,111 രൂപയും ഫലകവും ഉൾക്കൊള്ളുന്നവയാണ്.

അവാർഡ് സമർപ്പണവും പി എസ് രശ്മി മെമ്മോറിയൽ ട്രസ്റ്റിന്റെ പ്രഖ്യാപനവും, രശ്മിയുടെ ജന്മദിനമായ ഒക്ടോബർ 4-ന് തിരുവനന്തപുരം ഭാരത് ഭവൻ ഹാളിൽ നടത്തും. ചടങ്ങിൽ മന്ത്രി ജി ആർ അനിൽ അവാർഡ് സമർപ്പിക്കും, ട്രസ്റ്റ് പ്രഖ്യാപനവും ഉദ്ഘാടനവും മന്ത്രി വി ശിവൻകുട്ടി നിർവഹിക്കും .