തിരുവനന്തപുരം: കാലവര്ഷം ശക്തി പ്രാപിച്ചതോടെ തിങ്കളാഴ്ച സംസ്ഥാനത്തെ എല്ലാ ജില്ലകളിലും അതിതീവ്ര മഴയുണ്ടാകുമെന്നാണ് മുന്നറിയിപ്പ്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളില് റെഡ് അലര്ട്ടും തിരുവനന്തപുരം, കൊല്ലം, ആലപ്പുഴ ജില്ലകളില് ഓറഞ്ച് അലര്ട്ടുമാണ് പ്രഖ്യാപിച്ചിരിക്കുന്നത്. .
ജനങ്ങള് മഴക്കെടുതിയില് വലയുകയാണ്. സംസ്ഥാനത്തിതുവരെ കാലവര്ഷക്കെടുതിയില് ആറുപേരാണ് മരിച്ചത്. പലയിടങ്ങളിലും മണ്ണിടിച്ചില് അനുഭവപ്പെട്ടു. മരങ്ങള് പൊട്ടിവീണതിനെ തുടര്ന്ന് വീടുകള്ക്ക് നാശനഷ്ടം സംഭവിച്ചു. ഒട്ടേറെയിടങ്ങളില് ഗതാഗതതടസ്സവും വൈദ്യുതതടസ്സവും അനുഭവപ്പെടുകയാണ്. പലയിടങ്ങളിലും വൈദ്യുതക്കമ്പികള് പൊട്ടിവീണിരിക്കുകയായണ്. പൊട്ടിവീണ വൈദ്യുതക്കമ്പിയില് നിന്ന് ഷോക്കറ്റേ് മൂന്നുമരണം സംഭവിച്ചു. ജനങ്ങള് ജാഗ്രതപാലിക്കണമെന്ന് നിര്ദേശം.
