മലപ്പുറം: വർദ്ധിച്ചു വരുന്ന സിന്തറ്റിക് ലഹരിക്കെതിരെ ബോധവൽക്കരണവുമായി ബന്ധപ്പെട്ട് പാലത്തിങ്ങൽ ബി. ടീം സൗഹൃദ കൂട്ടായ്മയും പരപ്പനാട് വാക്കേഴ്സ് ക്ലബ്ബും സംയുക്തമായി ഏപ്രിൽ 5 ഞായറാഴ്ച കീരനല്ലൂർ ന്യൂ കട്ടിൽ വെച്ച് സംഘടിപ്പിക്കുന്ന കീരനല്ലൂർ മാരത്തോൺ സീസൺ – 2 ൻ്റെ ഒഫീഷ്യൽ രജിസ്ട്രേഷൻ ഉദ്ഘാടനം പരപ്പനങ്ങാടി മുൻസിപ്പാലിറ്റി ചെയർപേഴ്സൺ പാലത്തിങ്ങൽ ബി. മ്യൂസിക് ഓഫീസിൽ വെച്ച് ശ്രീമതി. സുബൈദ ടീച്ചർ നിർവഹിച്ചു. രണ്ടാം വർഷമാണ് മാരത്തോൺ സംഘടിപ്പിക്കുന്നത്.

കഴിഞ്ഞ വർഷത്തിൽ നിന്നും വ്യത്യസ്തമായി 21 കിലോമീറ്റർ,10 കിലോമീറ്റർ, 5 കിലോമീറ്റർ, 3 കിലോമീറ്റർ എന്നീ മത്സരങ്ങളിലായി പുരുഷന്മാരും സ്ത്രീകളും കുട്ടികളും പങ്കെടുക്കുന്ന മാരത്തോൺ നാടിൻ്റെ ഉത്സവമാക്കാനുള്ള ശ്രമത്തിലാണ് സംഘാടകർ. ബി. ടീമിൻ്റെ കൺവീനർ കുഞ്ഞഹമ്മദ് സ്വാഗതം പറഞ്ഞ ചടങ്ങിൽ ബി. ടീം ചെയർമാൻ ഡോ. എം എ കബീർ അധ്യക്ഷത വഹിച്ചു. ബി. ടീം ഭാരവാഹികളായ അഷ്റഫ് കെ , മരക്കാർ ഹാജി, ആഷിഖ്, താഹിർ. പി കെ , കെ.ടി വിനോദ്, എം.പി അബൂബക്കർ, എ. സുബ്രഹ്മണ്യൻ,അബ്ദുൽ അസീസ് കെ എന്നിവർ പങ്കെടുത്തു.