Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

നിയമസഭയിൽ സന്ദർശക നിയന്ത്രണം ഏർപ്പെടുത്താൻ നീക്കം; സുരക്ഷാ ഭീഷണിയെ തുടർന്ന് നിർദേശം

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

തിരുവനന്തപുരം: നിയമസഭാ സമ്മേളനം നടക്കുന്ന സമയത്ത് സന്ദർശകരുടെ പ്രവേശനത്തിന് നിയന്ത്രണം ഏർപ്പെടുത്തുന്നത് സർക്കാർ ആലോചിക്കുന്നു. സുരക്ഷാ ഭീഷണി സംബന്ധിച്ച ഇന്റലിജൻസ് റിപ്പോർട്ടിന്റെ അടിസ്ഥാനത്തിലാണ് നിയമസഭാ സെക്രട്ടേറിയറ്റിന് സർക്കാർ നിർദേശം നൽകിയത്.

നിയമസഭാ സമ്മേളന സമയത്ത് സഭാ സമുച്ചയത്തിൽ വലിയ ജനത്തിരക്ക് അനുഭവപ്പെടുന്നുണ്ടെന്ന് സുരക്ഷാ ചുമതലയുള്ള ചീഫ് മാർഷൽ സ്പീക്കർക്ക് റിപ്പോർട്ട് നൽകിയിരുന്നു. തിരക്ക് നിയന്ത്രിക്കാൻ ചുമതലയുള്ള വാച്ച് ആൻഡ് വാർഡിന് കൈകാര്യം ചെയ്യാൻ കഴിയാത്തത്ര ആളുകൾ എത്തുന്നുണ്ടെന്നും റിപ്പോർട്ടിൽ പറയുന്നു.

യുഡിഎഫ് സർക്കാർ അധികാരമേറ്റശേഷം നടന്ന രണ്ട് നിയമസഭാ സമ്മേളനങ്ങളിലും നിയന്ത്രണാതീതമായ തിരക്കുണ്ടായെന്നാണ് വിലയിരുത്തൽ. പ്രമുഖ രാഷ്ട്രീയ നേതാക്കളും മന്ത്രിമാരും സഭയിലുള്ള സമയത്ത് സുരക്ഷാ പരിശോധനകളും പ്രവേശന നിയന്ത്രണങ്ങളും കർശനമാക്കേണ്ടതുണ്ടെന്നും ഇന്റലിജൻസ് റിപ്പോർട്ടിൽ ചൂണ്ടിക്കാട്ടിയിട്ടുണ്ട്.

ഈ മാസം 30ന് ആരംഭിക്കുന്ന നിയമസഭാ സമ്മേളനത്തിന് മുൻപ് ആവശ്യമായ നടപടികൾ സ്വീകരിക്കാനാണ് നീക്കം. അനാവശ്യ നിയന്ത്രണങ്ങൾ വേണ്ടെന്നും എന്നാൽ സുരക്ഷാ നിർദേശങ്ങൾ പാലിക്കണമെന്നും സ്പീക്കർ തിരുവഞ്ചൂർ രാധാകൃഷ്ണൻ നിലപാടെടുത്തിട്ടുണ്ട്. സന്ദർശക പാസുകളുടെ വിതരണത്തിൽ നിയന്ത്രണം കൊണ്ടുവരാനും ആലോചനയുണ്ട്.

നിവേദനങ്ങളും പരാതികളുമായി എത്തുന്നവരോട് നിയമസഭയിലേക്ക് വരാൻ മന്ത്രിമാരും എംഎൽഎമാരും നിർദേശിക്കുന്ന രീതി ഒഴിവാക്കണമെന്നും സ്പീക്കർ അഭിപ്രായപ്പെടുന്നു. മന്ത്രിമാർക്ക് സെക്രട്ടേറിയറ്റിലെ ഓഫീസുകളിലും എംഎൽഎമാർക്ക് നിയമസഭാ ഹോസ്റ്റലിലും പരാതികളും നിവേദനങ്ങളും സ്വീകരിക്കാനാകും. സന്ദർശകരുടെ തിരക്ക് നിയന്ത്രിക്കുന്നതുമായി ബന്ധപ്പെട്ട നിർദേശങ്ങൾ വിലയിരുത്തി മുഖ്യമന്ത്രിക്ക് കൈമാറാനും ആലോചനയുണ്ട്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix