പോങ്യാങ്: സാംസ്കാരികമായ അധിനിവേശം ആരോപിച്ച് ഐസ്ക്രീം, ഹാംബര്ഗര്, കരോക്കെ തുടങ്ങിയ വാക്കുകള് നിരോധിച്ച് ഉത്തരകൊറിയന് ഭരണാധികാരി കിം ജോങ് ഉന്. പാശ്ചാത്യമാണെന്ന് ആരോപിച്ച് വേറെയും വാക്കുകള് നിരോധിച്ചുവെന്ന് ഡെയ്ലി എന്കെ റിപ്പോര്ട്ട് ചെയ്തു. രാജ്യത്ത് പുതുതായി തുറന്ന വോണ്സാന് ബീച്ച് സൈഡ് റിസോര്ട്ടില് ജോലി ചെയ്യുന്ന ടൂര് ഗൈഡുകള് സന്ദര്ശകരുമായി ഇടപഴകുമ്പോള് വിദേശ, ദക്ഷിണ കൊറിയന് പദാവലി ഒഴിവാക്കാന് ഉത്തരവിട്ടിട്ടുണ്ട്. ഗൈഡുകള് സര്ക്കാര് നടത്തുന്ന പരിശീലന പരിപാടിയില് പങ്കെടുക്കണമെന്നും അവര് ഔദ്യോഗികമായി അംഗീകരിച്ച വാക്കുകളും പ്രയോഗങ്ങളും ഉപയോഗിക്കണമെന്നും നിര്ദേശിച്ചതായി റിപ്പോര്ട്ടില് പറയുന്നു. ഹാംബര്ഗറിവും ഐസ്ക്രീമിനും കരോക്കെക്കുമൊക്കെ പകരം ഉത്തരകൊറിയന് വാക്കുകളും നിര്ദേശിച്ചിട്ടുണ്ട്.
ഹാംബര്ഗര് എന്നതിന് പകരം ഡാജിന്-ഗോഗി ഗ്യോപ്പാങ് എന്ന് പറയാന് നിര്ദേശിക്കുന്നു. ഐസ്ക്രീമിനെ എസ്യുക്കിമോ എന്ന് പറയണം. ്. ഉത്തരകൊറിയന് വാക്കുകള് പ്രോത്സാഹിപ്പിക്കാനും ഭാഷയിലൂടെയുള്ള സാംസ്കാരിക കടന്നുകയറ്റം ഒഴിവാക്കാനും ഉദ്ദേശിച്ചുള്ളതാണ് ഈ നിര്ദ്ദേശമെന്നും പറയുന്നു. നേരത്തെ വിദേശ സിനിമകളും ടെലിവിഷന് സീരിയലുകളും കാണുന്ന പൗരന്മാര്ക്കെതിരെ ശിക്ഷ നടപ്പാക്കിയെന്ന് അടുത്തിടെ റിപ്പോര്ട്ട് പുറത്തുവന്നിരുന്നു.
