കുവൈത്ത് സിറ്റി: കുവൈത്തിൽ മസാജ് സെന്ററുകളുടെ മറവിൽ അനാശാസ്യ പ്രവർത്തനങ്ങൾ നടത്തിയ കേസിൽ 15 പ്രതികൾക്ക് നേരത്തെ വിധിച്ച ജയിൽശിക്ഷ അപ്പീൽ കോടതി ശരിവച്ചു. കേസിൽ കുറ്റക്കാരനെന്ന് കണ്ടെത്തിയ കുവൈത്ത് പൗരന് ഏഴ് വർഷം തടവും 7,000 കുവൈത്ത് ദിനാർ പിഴയുമാണ് ശിക്ഷ.

13 പ്രവാസികൾക്ക് അഞ്ച് വർഷം വീതം തടവും മറ്റൊരു പ്രതിക്ക് രണ്ട് വർഷം തടവുമാണ് നേരത്തെ വിധിച്ചിരുന്നത്. ശിക്ഷയ്ക്കെതിരെ പ്രതികൾ സമർപ്പിച്ച അപ്പീൽ കുവൈത്ത് അപ്പീൽ കോടതിയുടെ ഒന്നാം സർക്യൂട്ട് തള്ളി.

ഇതോടെ മസാജ് സെന്ററുകളുടെ മറവിൽ അനാശാസ്യ പ്രവർത്തനങ്ങൾ നടത്തിയ കേസിൽ പ്രതികൾക്കെതിരെ നേരത്തെ വിധിച്ച ശിക്ഷകൾ തുടരും.