മലപ്പുറം: വിധി വന്ന് ഒരാഴ്ചയായിട്ടും മുഖ്യമന്ത്രിയെ തീരുമാനിക്കാത്തതില് കോണ്ഗ്രസിനെതിരെ കടുത്ത അതൃപ്തിയുമായി മുസ്ലീം ലീഗ്. എവിടെ ചെന്നാലും ആളുകള് അതൃപ്തി അറിയിക്കുകയാണെന്നും തെരഞ്ഞടുക്കപ്പെട്ട എംഎല്എമാരുടെ പരിപാടിയ്ക്കില്ലെന്ന് അണികള് പറയുന്ന സാഹചര്യത്തിലേക്ക് എത്തിയെന്നും മുസ്ലീം ലീഗ് മലപ്പുറം ജില്ലാ ജനറല് സെക്രട്ടറി പി അബ്ദുള് ഹമീദ് പറഞ്ഞു. ആഹ്ലാദപ്രകടനം പോലും നടത്താന് കഴിയാത്ത സ്ഥിതിയിലാണ് പ്രവര്ത്തകരെന്നും അദ്ദേഹം പറഞ്ഞു.
‘മുഖ്യമന്ത്രി ആരെന്ന കാര്യത്തില് ഉടന് തീരുമാനമുണ്ടാകണം. ഉണ്ടായിട്ടില്ലെങ്കില് അതിന്റെതായ പ്രത്യാഘാതങ്ങള് വ്യത്യസ്തമായ രീതിയില് ഉണ്ടാകും. കോണ്ഗ്രസ് നേതൃത്വം ഇക്കാര്യം തിരിച്ചറിയുമെന്നാണ് പ്രതീക്ഷ. പ്രവര്ത്തകര്ക്ക് ആഹ്ലാദപ്രകടനം പോലും നടത്താന് കഴിയാത്ത സ്ഥിതിയാണ്. പലപ്രവര്ത്തകരും നേരിട്ട് വിളിച്ച് അസംതൃപ്തി അറിയിക്കുകയാണ്. സ്ത്രീകളടക്കം നേരിട്ട് വിളിച്ച് ചോദിക്കുകയാണ്, ഇതിനാണോ വോട്ട് ചെയ്യിച്ചതെന്ന് ചോദിച്ചെന്നും അദ്ദേഹം പറയുന്നു.
