തിരുവനന്തപുരം: ചാനൽ ചർച്ചകളിലെ സജീവ ഇടതുശബ്ദം റെജി ലൂക്കോസ് ബിജെപിയിലേക്ക്. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അദ്ദേഹത്തിന് അംഗത്വം നൽകി, ഷാളണിയിച്ച് സ്വീകരിച്ചു.
മുൻകാല ദ്രവിച്ച ആശയങ്ങൾക്ക് ഇനി പ്രസക്തിയില്ലെന്ന് റെജി ലൂക്കോസ് വ്യക്തമാക്കി. ബിജെപിയുടെ വികസന ആശയങ്ങളിൽ പ്രതീക്ഷയുണ്ടെന്നും അദ്ദേഹം പറഞ്ഞു. കേരളത്തിൽ ഇപ്പോൾ ആശയപരമായി രാഷ്ട്രീയ യുദ്ധത്തിനുള്ള സാഹചര്യമില്ലെന്നും അദ്ദേഹം കൂട്ടിച്ചേർത്തു.
യുവാക്കൾ നാടുവിടുന്നതിനെ തുടർന്ന് കേരളം വൃദ്ധാലയമായി മാറുമെന്ന് ആശങ്കപ്പെടുന്നു. ഇനി മുതൽ റെജി ലൂക്കോസ് ശബ്ദിക്കുന്നത് ബിജെപിയുടെ നിലപാടുകൾക്കായി മാത്രമാണെന്ന് അദ്ദേഹം വ്യക്തമാക്കി.
