കോട്ടയം: തദ്ദേശ തിരഞ്ഞെടുപ്പിൽ എൽഡിഎഫിനുണ്ടായ ദയനീയ തോൽവിയിൽ കേരളാ കോൺഗ്രസ് (എം) നേതാവ് ജോസ് കെ. മാണി പ്രതികരിച്ചു. പ്രതീക്ഷിച്ച വിജയം നേടാൻ സഖ്യത്തിന് സാധിച്ചില്ലെന്ന് അദ്ദേഹം പറഞ്ഞു. വിജയച്ച സ്ഥാനാർഥികളെ അഭിനന്ദിക്കുന്നുവെന്നും തോൽവിക്ക് കാരണമായ വീഴ്ചകൾ വിശദമായി പരിശോധിക്കുമെന്നും ജോസ് കെ. മാണി വ്യക്തമാക്കി.
അതേസമയം, പാലാ നഗരസഭയിൽ കേരളാ കോൺഗ്രസ് (എം)-ന്റെ പത്തു സ്ഥാനാർഥികൾ വിജയിച്ചു. എന്നാൽ, ജോസ് കെ. മാണിയുടെ സ്വന്തം വാർഡിൽ എൽഡിഎഫ് സ്ഥാനാർഥി തോറ്റത് കനത്ത തിരിച്ചടിയായി. ജോസ് കെ. മാണിയും മകനും നേരിട്ട് പ്രചാരണം നടത്തിയ വാർഡിലാണ് മുന്നണിക്ക് കാലിടറിയത്.
