തിരുവനന്തപുരം: തദ്ദേശ തിരഞ്ഞെടുപ്പിലേക്കുള്ള സ്ഥാനാര്ഥികള് സമര്പ്പിച്ച നാമനിര്ദേശ പത്രികയുടെ സൂക്ഷ്മ പരിശോധന ഇന്ന് നടക്കും.
അതിനുശേഷം മത്സരിക്കുന്ന സ്ഥാനാര്ഥികളുടെ പട്ടിക റിട്ടേണിംഗ് ഓഫീസര് പ്രസിദ്ധീകരിക്കും. 24.11.25 തിങ്കളാഴ്ചയാണ് പത്രിക പിന്വലിക്കാനുള്ള അവസാന തീയതി .
തുടര്ന്ന് റിട്ടേണിംഗ് ഓഫീസറുടെ ഓഫീസിലും ബന്ധപ്പെട്ട പഞ്ചായത്ത്, മുനിസിപ്പാലിറ്റി, നഗരസഭ ഓഫീസുകളില് മത്സരിക്കുന്ന സ്ഥാനാര്ത്ഥികളുടെ പട്ടിക പരസ്യപ്പെടുത്തും.
ഡമ്മി സ്ഥാനാര്ഥികള് സൂക്ഷ്മ പരിശോധന കഴിഞ്ഞാല് തിങ്കളാഴ്ചയ്ക്ക് മുന്പ് നാമനിര്ദേശ പത്രികകള് പിന്വലിക്കും.
വിമതന്മാരെ പിന് വലിപ്പിക്കാനുള്ള തീവ്ര ശ്രമത്തിലാണ് രാഷ്ട്രീയപ്പാര്ട്ടികള്. ഒന്നര ലക്ഷത്തിലധികം നാമനിര്ദേശപത്രികയാണ് വിവിധ തദ്ദേശസ്ഥാപനങ്ങളിലായി കഴിഞ്ഞദിവസം സമര്പ്പിച്ചത്.
മലപ്പുറം, കോഴിക്കോട്, തൃശ്ശൂര് ജില്ലകളിലാണ് കൂടുതല് നോമിനേഷനുകള് ലഭിച്ചത്. ഏറ്റവും കുറവ് വയനാട്, ഇടുക്കി, കാസര്കോട് ജില്ലകളിലും.
