കൊച്ചി: ലുലു ഗ്രൂപ്പ് കൊച്ചി സ്മാര്ട്ട് സിറ്റിയില് നിര്മിച്ച കേരളത്തിലെ ഏറ്റവും വലിയ ഇരട്ട ടവറുകളുടെ ഉദ്ഘാടനം ജൂണ് 28ന് മുഖ്യമന്ത്രി പിണറായി വിജയൻ നിർവഹിക്കും. 12.74 ഏക്കറില് 35 ലക്ഷം ചതുരശ്ര അടിയില് 30 നിലകളിലായാണ് ടവർ ഒരുങ്ങുന്നത്. 152 മീറ്റര് ഉയരമുള്ള ഇരട്ടടവറുകളില് 25,000-30,000 ഐ.ടി പ്രഫഷണലുകള്ക്ക് ജോലി ചെയ്യാനാകും.
25 ലക്ഷം ചതുരശ്ര അടിയാണ് ഓഫീസ് സ്പേസിനായി ഒരുക്കിയിരിക്കുന്നത്. തുടക്കത്തില് തന്നെ 2,500 ഓളം പേര്ക്ക് തൊഴില് ലഭിക്കും. ഇതുകൂടാതെ ആറോളം പ്രമുഖ ഐ.ടി കമ്പനികളുമായി ചര്ച്ചകള് നടക്കുന്നുണ്ട്. പോഡിയം മുതല് അമിനിറ്റി ബ്ലോക്കുകള് ഉള്പ്പെടെ 30 ഫ്ളോറുകളാണ് ഈ ടവറുകളിലുള്ളത്. ഗ്രൗണ്ട് ഫ്ളോര് അടക്കം നാല് ഫ്ളോറുകള് അമിനിറ്റിക്കായി നീക്കിവച്ചിരിക്കുന്നു. 67 അതിവേഗ ലിഫ്റ്റുകള്, 12 എസ്കലേറ്ററുകള് എന്നിവയും ഈ ഇരട്ട ടവറുകളിലുണ്ട്. 3200ത്തില് പരം കാറുകള്ക്കുള്ള റോബോട്ടിക് കാര് പാര്ക്കിംഗ് സൗകര്യമാണ് മറ്റൊരു പ്രത്യേകത.
Content: Lulu’s twin towers; Chief Minister Pinarayi Vijayan to inaugurate on June 28
