ശബരിമല: മകരവിളക്ക് ദർശനത്തിനായി എത്തുന്ന തീർഥാടകർക്കു മടങ്ങാൻ 800 ബസുകളുമായി കെഎസ്ആർടിസി. 450 ബസ് പമ്പ – നിലയ്ക്കൽ ചെയിൻ സർവീസിനും 350 ബസ് ദീർഘദൂര സർവീസിനുമാണ് സജ്ജമാക്കിയിരിക്കുന്നത്. മകരജ്യോതി ദർശനത്തിനു ശേഷം 20ന് നട അടക്കുന്നത് വരെ അയ്യപ്പന്മാരുടെ തിരക്ക് അനുസരിച്ച് ചെയിൻ സർവീസുകൾ ഉണ്ടാകും. മകരജ്യോതി ദർശനത്തിനു ശേഷം അട്ടത്തോട്ടിൽ നിന്നു തീർഥാടകരെ നിലയ്ക്കൽ എത്തിക്കുന്നതിനും ബസുകൾ ഏർപ്പെടുത്തും. കൂടാതെ നിലയ്ക്കൽ നിന്നും ദീർഘദൂര സർവീസുകൾ ഉണ്ടാകും.