തിരുവനന്തപുരം: നവഗതനായ ഹാർദീപ് സിംഗ് സംവിധാനവും രചനയും നിര്വഹിക്കുന്ന മലയാള ചിത്രം ‘യമലോകം’ കാന്സ് അന്താരാഷ്ട്ര ചലച്ചിത്രോത്സവത്തില് പ്രദര്ശിപ്പിക്കുന്നു. മെയ് 17നാണ് ചിത്രത്തിന്റെ പ്രീമിയര് നടക്കുക. ചിത്രത്തിന്റെ ആദ്യപ്രദര്ശനമാണ് അന്തരാഷ്ട്ര പ്രശസ്തമായ ചലച്ചിത്രോത്സവ വേദിയില് നടക്കുന്നത്.
‘യമലോകം’ മനുഷ്യ മനസ്സിന്റെ ആന്തരികതയിലേക്ക് വളരുന്ന തീവ്രമായ സോഷ്യല് ത്രില്ലറാണ്. നിശബ്ദതകളും പറയാതിരിക്കുന്ന വേദനകളും കഥ പറച്ചലാണെന്ന് സംവിധായകൻ പറയുന്നു. ചിത്രത്തിന്റെ പശ്ചാത്തല സംഗീതവും സംവിധായകന് ഹാർദീപ് തന്നെയാണ് ഒരുക്കിയത്.
ചലച്ചിത്രത്തില് നാഗ മഹേഷ്, ചിറയത്ത് ലോന ജോളി, പ്രിയാൻഷി, ഹാർദീപ്, രമേഷ്, രവീന്ദ്രൻ ഇ ആർ എന്നിവര് അഭിനേതാക്കളാണ്. താരബാഹുല്യമോ, വന് ബജറ്റോ അവകാശപ്പെടാനില്ലാത്ത ചിത്രമാണ് ‘യമലോകം’ അഥവ ബിഹൈന്റ് ദ മൂണ് ഗ്രാൻഡ്മാ മോഷന് പിക്ചേര്സിന്റെ ബാനറില് സംവിധായകന് ഹാർദീപും പ്രിയാൻഷി മാനെയും ചേർന്നാണ് നിർമ്മിക്കുന്നത്.
