പാലക്കാട്ടെ യുഡിഎഫിന്റെ വിജയമാഘോഷിച്ച് പ്രവാസി മലയാളികളും. ജി സി സി രാജ്യങ്ങളിലെ കോൺഗ്രസ് അനുഭാവികൾ ഇൻകാസ്, കെഎംസിസി തുടങ്ങിയ സംഘടനകളുടെ നേതൃത്വത്തിൽ വിജയാഘോഷം നടത്തി. യുഎഇ, ഖത്തർ, ഒമാൻ എന്നിവടങ്ങളിൽ ജനവിധി അറിഞ്ഞ ശേഷം ഒന്നിച്ച് അണികൾ വിജയാഹ്ലാദവും മധുരവും പങ്കിട്ടു.

പായസവും മധുരവും വിതരണം ചെയ്തു കൊണ്ടാണ് യു ഡി എഫിന്റെ ഉജ്ജ്വല വിജയം അനുഭാവികൾ ആഘോഷിച്ചത്. വയനാട്ടിൽ പ്രിയങ്ക ഗാന്ധിയും പാലക്കാട്ട് രാഹുൽ മാങ്കൂട്ടത്തിലും നേടിയ വിജയം യുഡിഎഫിന്റെ നേട്ടമാണ്.

ഷാഫി പറമ്പിലിന്റെ ഭൂരിപക്ഷത്തേയും പിന്നിലാക്കി റെക്കോഡ് ജയമാണ് രാഹുൽ പാലക്കാട് നേടിയത്. അന്തിമ ഫലം അനുസരിച്ച് നിലവിൽ 18724 വോട്ടുകൾക്കാണ് രാഹുൽ വിജയിച്ചത്. വിവാദങ്ങൾക്കിടയിലും രാഹുൽ നേടിയ വിജയ പ്രഭ കോൺഗ്രസിനെ സംബന്ധിച്ചിടത്തോളം ത്രസിപ്പിക്കുന്നതാണ്.