ഫുജൈറ: യുഎഇയിലെ ഫുജൈറയിൽ നേരിയ ഭൂചലനം. ഫുജൈറയിലെ അൽ ഹല പ്രദേശത്താണ് ഭൂചലനം ഉണ്ടായത് എന്ന് നാഷണൽ സെന്റർ ഓഫ് മെറ്റീരിയോളജി സ്ഥിരീകരിച്ചു. ഞായറാഴ്ച രാത്രി പ്രാദേശിക സമയം 9.15 ഓടെയാണ് ഭൂചലനം രേഖപ്പെടുത്തിയത്. റിക്ടർ സ്കെയിലിൽ 2.0 തീവ്രതയുള്ള ഭൂചലനമാണ് ഉണ്ടായത്. ഭൂമിക്കടിയിൽ ഏകദേശം 3.9 കിലോമീറ്റർ ആഴത്തിലാണ് പ്രകമ്പനം ഉണ്ടായതെന്ന് നാഷണൽ സീസ്മിക് നെറ്റ്‌വർക്ക് അറിയിച്ചു.

റാസൽഖൈമ, ദിബ്ബ തുടങ്ങിയ യുഎഇ പ്രദേശങ്ങളും ഒമാനിലെ മുസന്ദം ഗവർണറേറ്റും ഉൾപ്പെടുന്ന മേഖലയ്ക്ക് സമീപമാണ് ഭൂചലനം അനുഭവപ്പെട്ടത്. കഴിഞ്ഞ കുറച്ച് മാസങ്ങളായി ഈ പ്രദേശത്ത് ഇത്തരത്തിലുള്ള ചെറിയ ഭൂചലനങ്ങൾ റിപ്പോർട്ട് ചെയ്യപ്പെടുന്നുണ്ട്. വലിയ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ലെങ്കിലും പ്രദേശവാസികളിൽ നേരിയ ആശങ്ക സൃഷ്ടിച്ചിരുന്നു.